今年最强潜力新人黄妍　出道后继续Busking走匀十八区

Sony旗下唱作女新人黄妍(Cath)今年正式出道，先后推出《如何从夏天活过来》及《笑容迷路了》两首歌，唱作实力得到不少网民认同。临近颁奖礼前夕，Cath更落足力宣传，由昨日(11月23日)开始一连三个星期的五、六、日，将走匀十八区Busking。

其实在黄妍正式出道前，她已是Busking的常客：“我以前一路都有Busking，要一个人拖住啲器材去霸位，因为得一个人，所以通常去啲容易啲霸位、但人流少啲嘅地方唱，而我其实一路都好想喺香港唔同地方Busking，作为一个香港人，好想走匀18区去Busking，一直都想挑战呢件事，但一个人冇办法拖住啲器材去咁远，同公司讲起呢个谂法，估唔到公司又真系陪我癫，哈哈！今次真系可以走匀18区，陪我唱匀全港，我心情非常兴奋！”她更指可以藉今次机会回味当年Busking那种很辛苦，但又会很满足的感觉。

昨日Cath先后到天星码头及旺角兆万中心对出演出，她忆说：“最初Busking时系喺旺角，同啲朋友一齐‘柴娃娃’去旺角花园街上面𠮶条天桥度唱。”虽然Busking期间有保安人员上前查问，但经验十足的Cath未被吓怕，轻松应付，除了唱出自己的作品外，更大唱《稻香》、《甜甜的》、《香格里拉》、《我愿意》等作品。而今日(11月24日) 及明日，她更会去到长洲、中环码头、铜锣湾、石硖尾、深水埗、葵涌及荃湾等地Busking。