古天乐重返乐坛　开金口与谢安琪合唱：唔好要我唱Live

曾以歌手身份出碟嘅古天乐，于2000年年加入乐坛后，只系推出过四张唱片就从此“退隐”乐坛，尽管之前有传古仔将会举行演唱会，但佢本人就话打从心底咁抗拒唱歌，正当大家都以为无机会再听古仔大开金口之际，原来古天乐已悄悄回归了歌坛！

于新歌《（一个男人）一个女人和浴室》,古仔同谢安琪（Kay）合唱，能够邀请到古仔相隔15年再推出新歌，过程一啲都唔容易，身为幕后功臣兼歌曲监制嘅麦浚龙(Juno)真系应记一功 。古仔早前同Kay拍摄宣传照时，就提到与Juno拍摄电影《风林火山》后，十分欣赏对方。“电影上嘅理念同我好似，最难得系肯花时间去做电影，呢个系好难。佢今次揾我唱歌，我都话唔识，但佢提到呢首歌系用故事概念去表达，我可以以角色身为去唱，佢可以有甩漏，有时我哋踏出第一步先系最重要。”

虽说系以角色身份去唱，但古仔表示非常有压力，“我揸起支咪已有压力，但你问我……香港乐坛我自己觉得要有新嘅一页。无论新一辈年轻歌手，或者殿堂级歌手，需要新嘅冲击。”古仔表示拍摄电影时，常常希望找到有新元素，他看过Juno以董折、浦铭心两个角色，贯穿《人妻的伪术》、《勇悍·17》及《一个女人和浴室》歌曲及MV，概念如电影般，既欣赏又支持。“歌应该可以不同的方法呈现予香港真心喜欢听歌的观众。”访问中，古仔再三表示自己做MV男主角并不是大问题，“但真系唔好要我唱Live”其实你肯回坛归歌坛就已经好好啦!!!