新歌MV邀麦秋成当男主角 岑日珈：我同佢有0.01距离亲密行为！
撰文： 吴子生
出版：更新：
岑日珈周四晚（20/9）现身尖沙嘴《特务戆J:神级归位》群星首映礼。“呢套戏嘅系列，我喺妈咪个肚里面，仲系BB嘅时候已经有睇，最好笑嘅地方，男主角唔讲嘢，眼仔碌碌啲神态动作好好笑，带点傻更更嘅样，其实人生中，傻吓傻吓咁都几开心㗎。”
日前岑日珈为新歌《Time to go》拍摄MV，更找来麦秋成合作担任导演，拍足16小时始完成。日珈直言说：“MV喺佢一手包办，导演、编剧，男主角及排舞都喺佢，首歌喺讲我唔开心喺时间要走，当中我会同佢有0.01嘅距离亲密镜头，我哋喺拍跳舞嘅时候，因为要喷烟雾，室内唔准开冷气，而我哋个个又着晒啲长袖衫，啲汗流到成颈都湿晒，虽然同麦秋成认识咗好耐，但同佢做嘢都会有好大压力，佢喺一个好严肃又有要求嘅人，所以我压力爆煲成块面皮肤敏感，起晒豆豆，事后要睇医生食药，而家个情况好咗好多。”