王菀之买CD当储印花！　同一只Björk买几次原因竟然系……

王菀之(Ivana)喜欢旅游，并将各地的所见所闻化为创作的灵感，她曾透露火车车厢是思考的好地方，大部份写得深层歌曲也是由此以来。除此以来，Ivana每次旅行都会走访不同唱片店，这次她跟大家分7张从各地搜罗的唱片，而每张唱片背后都有一些小故事。
摄影：梁碧玲

Ivana手上拿着一张Björk的《Gling-Gló》黑胶碟，她十分喜爱这张专辑，无论弄失多少次也要买回来，她说：“呢张碟CD版我有几只，听到唔见咗几次！因为去旅行又带去听，有时借咗俾人，又周围叫人听，所以听到唔见咗几次。之后发现有出黑胶，仲要系去3次冰岛，先见得1次咋，即刻要储番！”

身为Björk fans，Ivana点会买得一只碟咁少呢！她手上拿着购自的冰岛《Vulnicura Live》CD，她说：“呢只开都冇开呀，唔舍得拆！Björk系我嘅偶像，除咗买实体碟，仲会买digital版本。同一只碟会出唔同封面，作为歌迷会想储晒佢！因为次次去旅行都发现，明明只碟几年前出，但系点解又有个新样㗎呢！”

Ivana表示，在加拿大读书时曾迷上Morcheeba，但回港后近10年没再听过，但突然想找回一个齐全的collection，所以在日本涩谷买了这张《Who Can You Trust?》，而且是一张状态非常好的中古碟。

这张Radiohead《COM LAG》Live CD同样购自日本，价格简直“执到宝”，Ivana说：“我本身都有听Radiohead，但系miss out咗冇见过呢只。我喺一个中古铺见到，𠮶间铺唔系专卖CD，系一间Vintage杂货店，零零舍舍得一只，仲200yen咋！”

熟悉Ivana的乐迷都知道，东京事变及椎名林檎影响她很深，她说：“好钟意东京事变同椎名林檎，尤其系同佢哥哥Live，反复睇咗好多次，好inspire到创作！”

她更表示，是一种潜移默化的影响：“𠮶期听得多，会突然间一落笔就有啲影子都唔出奇！我记得《水百合》当时一出，有人话‘哗！令我谂起椎名林檎嘅歌呀！’身为一个fans听到都好开心！如果𠮶期系要刻意写日系风格嘅歌，系会特别听多啲，然后一落笔就会系𠮶个语言咁。”

Ivana形容，Philp Glass的《Piano Works》充满诗意，很浪漫：“有推介朋友过，佢嘅音乐好浪漫，好有诗意，好inspire到我去写任何歌。因为我写歌好俾画面去主导，无论眼前风景、身边发生嘅事、睇到嘅故事，甚至一啲听到嘅声，令我谂起啲画面去写歌！而Philp Glass嘅音乐好有电影感，令我好多画面喺个脑度！”