【专访】将本土文化Rap到内地都明 Heyo：从细节渗透广东话特色
本地Rapper Heyo上月举行《老表大奔走》新碟巡演，是沉寂一年半后的“重生”之作。Heyo向来以“玩字”见称，无论押韵、内容、意景都引人深思，可谓玩尽广东话。今次《老表大奔走》Heyo却尝试rap普通话，有人可能会问“是否进军内地就要‘跪低’’？”
可Heyo坚定地回答：“我冇舔呀！我知道自己做紧乜就得啦！我系想透过细节，渗透广东话特色俾佢哋听嘛！”
摄影：黄国立
我哋唔会差过《中国有嘻哈》㗎！
听着《老表大奔走》，感觉就像跟Heyo、Vyan飞云南半个月走一转，大家听得过瘾，但原来这趟旅程“Chur到爆”。Heyo形容，造碟过程犹如参与综艺节目：“好似参加咗游戏节目，你去半个月同我造只碟出嚟啦！得半个月去执啲素材，声音、画面、图像，再去Vyan广州studio录音。造完歌要即刻拍埋MV，又揾一班民族乐手录完音再拍MV。”
他续说：“参加《中国有嘻哈》可能要你一日写好16个Bar，而我哋系要写好再拍埋！你哋做到呢个Level，我哋唔会衰过佢哋㗎嘛！”
Rap普通话等于“跪低”？ Heyo：“我冇舔呀！”
Heyo一向予人印象坚持粤语，玩字玩到尽，精雕细琢歌词内容。今次合辑《老表大奔走》rap普通话，也算是挑自己的初体验。不过，他会否怕这个尝试惹来被指“跪低”的负评？
Heyo坚定说：“我冇舔呀！你咪试下返大陆一句国语都唔讲，支持你！”他续说：“我梗系要透过啲细微嘅嘢，渗透广州、广东话特色俾佢哋听啦！我用普通话，想透过呢只碟用“怀柔”政策，俾多啲13亿人都听到，同佢哋讲‘其实你都听得明’㗎。”
“你知啦，‘打的’、‘的士’呢啲字都系耳濡目染就成功咗，所以我系深信呢个窍门。”
关于语言的问题，Heyo举王家卫的电影为例回答：“你唔可以话，王家卫套戏入面啲角色讲上海话，跟住唔睇；可能你真系冇睇，我吹你唔胀嘅！同埋呢次旅行我知道自己做紧乜就得啦！”
“有啲谂法你唔相信自己，你要等全世界认可你先行，咁你就行后咗㗎喇，咁你就自己取舍啦！”
造歌并非单纯情感发泄 发泄下一步要点行先？
喜欢Hip Hop的读者大概都知道，大部份歌词题材主要围绕黑帮、药物、性、个人情感，因为这确实是部份Rapper的生活写照，这是Hip Hop的根源之一。随时日发展，Hip Hop的题材也有所改变，Heyo说：“我唔系好钟意啲一味喺度抒发嘅歌，讲完一轮粗口，发泄完，咁下一步呢？可唔可以系自己经历咗啲嘢，提供啲hints俾人，而唔系净系情感发泄呢？你冇答案咁成班人做乜X啫？”
除此之外，Heyo表示自己回不去“哗众取宠”的时候，他以往也写过《VSOP》、《喜爱射毛》、《睇医生》这类“排洪式发泄”或是“吊吊揈”的歌曲；或许“哗众取宠”仍是这个时代的“主流”，但Heyo宁愿用当时学习所得的经验，放到其他范畴，发掘更多新题材。
想本土文化有价值 就要将文化产物推广出去
上文提到Heyo不想再固步自封，决定找方法行出去，对于如何保存、发扬本土文化，他有自己一套。
Heyo说：“Hip Hop系好global音乐，你见好多公司意识到，所以我哋依家系时候要走出去。部份年轻一辈试过一啲方法，唔走出去，但到某一个临界点，你就要开放行前一步。如果想将香港文化做好啲，我哋要推己及人。你想令到一个语言、文化变得有价值，就要做好多文化产物，去丰富自身文化，大家要喺各自岗位努力，再扩散出去。”