张敬轩平日口水多　原来爱“潜水”：以前约人劲放飞机

撰文： 洪晓璇
出版：更新：

人同人之间嘅关系相当奇妙，有啲日日见面但只会系点头之交，有啲人可能一年见唔到一次，都会当系摰友，但即使你想得闲同朋友见多几面，对方都未必领情架。张敬轩平时出席活动就口水多多，原来朋友约佢时成日都会潜水，轩仔仲话自己系：“潜水爱好者。”

张敬轩圈中朋友众多。（张敬轩IG）
+7

轩仔嘅歌曲，除咗爱情，好多时都会讲到亲情、友情，呢次新歌《潜水》，讲嘅唔系同大海玩游戏嘅水上活动，而系喺生活中偶尔收起自己，让自己放空嘅时刻。轩仔话︰“我系“潜水”爱好者，某程度上都有社交恐惧症，我喜欢热闹，但更大部分时间不喜欢，尤其年纪愈大，但我又好珍惜跟朋友相处时间。

看似健谈嘅轩仔，其实都有内歛一面。

虽然爱潜水，但轩仔也给予自己一些规限。“以前约人劲放飞机，就算约好我都会有100个借口不出现，现在会讲信用，应承了便要出席，虽然我不会主动去约朋友，但应承好便会应约。”讲到不时让自己适当的放空，轩仔认为这是人生中非常重要的一课。“在人生不同时刻上做到收放自如，这是一门功课，几时要释放真正的自己，几时收起会伤害到人的武器，几时要放下一些执著，讲好容易，我仍学习中。”

难得有机会去到南生围，轩仔都放松心情享受一番。

拍摄MV时去到“香港后花园”南生围，轩仔喺度拍咗一个草地上划船嘅镜头，佢坦言呢度系个，让城市人好好去感受大自然嘅好地方，仲顺便保育大使上身︰“拍摄时见到好多候鸟、小动物，我们好需要一个拥有完整生态环境的地方，好需要去保护它。”

MV团队辗转又去到葵青区的祖尧邨，拍摄时更吸引大批邨民围观，向来亲民的轩仔不单跟大家有讲有笑，邨民更表示有欣赏他早前的演唱会，还细谈当中细节，令轩仔开心不已。