张敬轩演唱会头场“降两度”劲抢戏　用个半钟剃脚毛晒“美腿”

《Hinsideout 2018 张敬轩♭♭演唱会》今晚于红馆举行头场，乐迷引颈以待又“恨加场”，终于等到正式开骚，一探究竟轩仔会以“本人”或是“降两度”身份登场。轩仔开红馆骚，一众圈中好友现身支持，包括：阿娇与老公（赖弘国）、欣宜、蔡一杰、任达华、JW、温碧霞，等等。

摄影：陈顺祯

轩仔打头阵以“降两度”形象示人，一身珠片热裤，兼夹高㬹Boot大骚长腿。轩仔又唱又跳劲歌热舞，以串烧歌揭开序幕，出动埋泰文版《失恋》，又扭腰“擒高擒低”，出尽“舞功”唱Wonder Girls名曲《Nobody》。见轩仔咁落力，全场乐迷掌声尖叫声四起。

出名“奄尖声闷”的降两度出场，当然大爆金句，一开始就问“大家见过天后未？冇我嘅话张敬轩都开唔到6场呀！”降两度又话：“咁多男士眼金金望住我，搞到我有啲高潮o添呀！系演唱会𠮶啲呀！”

不过又唱又跳都未算高难度，剃脚毛先高难度，轩仔话：“你知唔知我为咗呢个演唱会，我剃脚毛都剃咗个半钟呀！”此时有观众话：“女人有脚毛咩？”轩仔神回：“女人冇脚毛？有女人生须o添呀！唔信你今晚带我返屋企吖，拮死你呀！我讲啲须呀！”见轩仔去到咁尽，乐迷当然受落而且笑足全程。降两度接着唱出《我半人》及《女神》，为“红馆史上最短的演唱会”划上句号，让张敬轩本尊踏上舞台，并唱出《酷爱》带大家返回“张敬轩的舞台”。