【RoadtoUltra2018】DJ King首次登上Ultra舞台：呢个只系里程碑

阿King（吴崇铭）自C AllStar独立发展后，全力攻向电音市场。由组合年代已开始钻研电子音乐的他，今年终于一尝所愿，初次登上有“全球第一电音节”之称的《Road to Ultra》的舞台，化身DJ King在台上打碟。接受《香港01》访问时，问起他今次演出是否算是圆梦，阿King表示:“Ultra系其中一个里程碑，喺我心目中，仲有好多事要完成。因为我都系一位香港歌手，其实都想帮香港乐坛做啲嘢，将EDM融入广东歌就系我梦想。虽然电子音乐系面向世界，但我都唔会放弃香港。”

今年《Road to Ultra: Hong Kong》移师到亚博举行，有别于以往的户外场地，阿King也对今次的改动感到满意：“其实就好似去到一个超大型嘅Club咁，大家可以有嘢食有嘢饮，又有Beer Pong呢啲休憩设施，最重要系个气氛好好，好多人听住音乐跳舞。因为毕竟香港喺夏天做电音节系难嘅，始终户外太热，上年我台下做观众，真系热到衫都湿晒。”

更多《Road to Ultra:Hong Kong》精采花絮，请放大图片

有别于以往在台下做观众，今年阿King在台上打碟，感觉又有何不同？他微笑道：“以往我都经常去参加呢类型嘅电音节，支持自己钟意嘅百大DJ。而今年我可以同佢哋企喺同一个台上面，感受下到底平时佢哋喺上面打碟望住啲观众系咩感觉，系一件好开心嘅事。”提到自己最喜欢的DJ，阿King则表示想与Tiesto合作，更称对方是一位始祖。

提到歌手身份方面，阿King承诺各位乐迷今年一定会出歌:“而家出歌一定系电子元素，唔会再出流行曲。新歌已经做紧，今年一定会有。”

阿King坦言，在香港做EDM有一定难度，最大问题是香港人还会否听香港歌，而香港歌当中又会否选择听香港的EDM，所以阿King也有在叱咤903主持电音节目《听𠵱啲Music》，以推广香港EDM文化：“其实香港有好多人做紧电子音乐，有唔少人做咗歌之后，都会畀我摆喺电台播。我觉得几好，起码有我哋本土嘅电子音乐，香港嘅电音会比较轻身少少，同外国比较重型嘅又唔同，不过我亦都希望香港可以再多元化啲。”