G.E.M.撇男友捧Bruno Mars场:佢系我恋人

撰文: 陈颖思
出版:更新:

美国流行天王Bruno Mars今晚再度袭港假亚洲博览会举行个唱,吸引大批名人捧场,包括邓紫棋(GEM)、杜德伟夫妇、胡定欣、单立文及胡蓓尉夫妇、周家蔚、王君馨、钟舒漫(Sherman)与妹妹钟舒汶、庄思敏、陈逸璇及邓佩仪等。摄影:陈颖思

G.E.M.笑称Bruno Mars是她的恋人,得悉今次个唱大感兴奋,一早同公司攞定假睇骚,多得钟舒漫帮手扑飞,可以成班朋友一齐睇。被问到为何不跟男朋友一起看,G.E.M.就话:“男朋友都好重要。”有指Bruno完骚后会到夜店庆功,问G.E.M.会否去见偶像,她表示:“平日好少去Clubbing,但想去合照集邮,谂紧去唔去。”

G.E.M.话由第一只碟开始已好迷Bruno Mars。

庄思敏之前帮朋友放飞,被发现是加了价的黄牛飞,她笑言是个误会:“朋友上网买嘅啲飞,我冇留意佢买贵咗,佢有事睇唔到骚,就帮佢,冇理由蚀,唔好浪费,佢最后送俾朋友睇。”庄思敏强调自己张飞是正价,动用了好多朋友先买到,今次是第二次睇Bruno。

庄思敏(右)话冇留意朋友买咗贵飞。

由于老公洪天明要开工,周家蔚孖朋友睇骚,她表示知道今次好难扑飞:“一个月前有人问我想不想睇,我一口应承,宜家扑飞好烦,有十几个人问过我有冇飞,今次系第一次睇。”听日是母亲节,家蔚表示老公要开工,昨日已提早与家人食饭庆祝。

周家蔚感叹好难扑飞。
钟舒漫(中)与妹妹及王君馨(右)盛装睇骚。
邓佩仪俾小朋友集邮。