古巨基金曲acappella串烧　男女混唱一定要学起来！

一连五场嘅古巨基红馆演唱会即将于今晚举行，深信近期大家都已经畀古Sir嘅歌曲洗晒脑。古Sir玩串烧歌一向都有一手，不过都系改其他人嘅歌居多。近日SiS乐印姊妹联同acappella组合O’blue，以古Sir嘅金曲作主题，以无伴奏合唱形式唱出串烧medley。

一般人可能都会认为，串烧medley只系一首接一首咁唱落去，听得多感觉会有啲单调。不过今次SiS X O’blue嘅古Sir medley，就使用咗多声部嘅唱法，将古Sir唔同嘅金曲叠住分男女声一齐唱。唔听都唔觉，原来古Sir唔同嘅歌曲放埋一齐时，竟然意想不到地合得来。虽然早年古巨基与容祖儿合唱的《狂串乐基儿》尾段也有类似的做法，不过乐迷听到那一段通常也会感到意犹未尽。今次的acappella串烧，把古Sir的《必杀技》、《爱与诚》、《重复犯错》、《眼睛不能没眼泪》、《任天堂流泪》、《天才与白痴》、《伤追人》、《大雄》、《爱得太迟》串连在一起，真系听完都即刻想唱K！