郑欣宜演唱会穿彩色裙撑大爱共融：唔好介意大家唔同颜色

郑欣宜（Joyce）唱得就唔使多讲，今次佢演唱会嘅服装都不容忽视，更揾到设计师Thomas Chan特别打造。提到中段唱出《I will survive》、《光明会》、《命硬》等歌曲时穿上有涂鸦图案嘅露肩彩色长裙，有这安排系咪想配合大爱嘅主题呢？

Joyce接受《香港01》访问时，表示今次好开心服装方面邀请到Thomas Chan帮忙：“其实每套衫都系配合返主题，由黑色去到加少少红色，再去到彩色，系有铺排同心思。我都知道我身型难去令到成件事好靓，但我觉得佢做得非常之好。（有涂鸦𠮶条裙系有特别意思？ ）系啊，因为去到𠮶part我唱《女神》、《黑彩虹》，我、监制、导演、Thomas都系想表达，其实要有咁多种颜色摆埋一齐先至可以有一条咁靓嘅彩虹，所以唔好咁介意大家嘅唔同颜色，要学懂点样去欣赏，呢个主题都系演唱会嘅主题，系我自己好坚持一定要去做嘅。”

相关文章

郑欣宜演唱会无惧伤患越跳越强：想唔想我再重口味啲？

郑欣宜忆起妈咪肥姐哭成泪人：我知道佢一定喺度陪住我

郑欣宜靠坚持由负评唱到上红馆：希望大家可以畀一个公道嘅分数

另外，问到满唔满意自己嘅表现，追求完美嘅Joyce就直言觉得永远都可以更好。谈到爸爸秋官有冇俾评语，她笑言爸爸话尾场把声比第一场更好。问到左脚伤患可有影响演出，Joyce透露都有少少脚肿，亦有食定止痛药先上台。