【专访】薛凯琪新专辑方大同友情打造：录足四年系错有错著

薛凯琪隔四年没有推出过专辑，过去一段日子，只偶尔推出单曲、亮相于电影、开开音乐会，让一众乐迷及粉丝望梅止渴。自去年举行《梦之途中　薛凯琪音乐纪2017》演唱会，述说过去几年有关薛凯琪的故事后，Fiona似是跟乐迷宣布即将全面回归。打铁衬热，去年尾推出全新国语专辑《You Make Me Feel你我之间》，用一连九首作品来讲述一个漫长的爱情故事。更找到了多年以来的音乐好拍档方大同担任专辑制作人，把四年以来音乐的精华全放到专辑内，到底这张专辑为何一做便是四年？
摄影：江智骞
Hair: Joey Hui @ Hair Culture
Makeup: Frances Ho @ Jessica Chan Make-up Workshop
Outfit: SPIRITUNUS

薛凯琪与方大同的奇特合作方式

讲起薛凯琪的音乐，大致有两类型是比较“刹食”，其中一种是像《Better Me》、《XBF》、《甜蜜蜜》等抒情慢歌；另一种则比较跃动，像是《9:55pm》、《周末画报》等upbeat的作品。今次新专辑也不乏这类型的“绝杀”，不过用Fiona的语言来说，其实重点是在歌曲当中的“爱”。讲起专辑概念，Fiona表示：“今次成只碟都系用60至80年代嘅曲风，不论系pop、R&B以至小调，我同方大同都系以60s-80s为基调设计。其实每一首大同帮我作嘅歌，佢都唔知歌词系点，每次佢写好首曲，我再畀歌词佢睇，佢又要因应个内容去改编曲。因为内容上系我自己监管，所以我决定今次将成只碟献畀一个爱情故事，我真系好钟意恋爱，恋爱系一件好美好嘅事，我睇戏又要睇爱情片，睇书又系。最后成只碟出嚟就系讲紧一个女仔爱上一个男仔，而呢个男仔令到个女仔有呢九首歌入面嘅心情。”

错有错著的四年

今次专辑用足四年时间打造，原因不外乎Fiona与方大同也相当忙碌，夹一首歌也用足几个月时间，Fiona表示：“其实我同佢倾呢只碟嘅时候，佢系未有自己嘅音乐Label，因为成只碟嘅概念实际上系六年前，而去到筹备系五年半前，再到我正式录第一首歌，已经系四年前嘅事。”而正因为这样，Fiona表示其实这四年时间是错有错著。还记得去年开骚，薛凯琪道出一句金句：“所有人生中失去了或从不拥有的事情，其实也是你不需要的事情。”这些体会正是从这些年间学到的，而Fiona似乎对不少事情都看淡了，所以她在访问中再爆出一句金句：“所有悲惨悲痛嘅事情都只系一个课目。我好相信呢个世界系好公平，当中自有一个好复杂但又美丽嘅结构，复杂到只有‘佢’先明白点解你要经历一啲痛楚，但其实每一份痛楚都系要我哋去学习。”

帮粉丝圆梦

近年Fiona除咗做专辑、拍电影以外，其实亦有大搞自己嘅Fashion Label，完成今次专辑，Fiona又会否退下火线，全力发展时装品牌？她坦言：“唔会，因为电影同音乐系一直影响我嘅生命、我嘅思维。至于点解时装品牌喺咁忙嘅情况下都要做呢？其实呢个系我三、四岁嘅梦想，我觉得人一定要相信自己可以达成梦想，我细细个开始就会拎起支笔画唔同嘅女仔，有啲系长裙、有啲系短裤，由𠮶时开始已经有谂过将来要有自己嘅Fashion Label。到我达成咗自己嘅梦想，我就可以帮其他人达成佢哋嘅梦想，例如我嘅Fashion Label开始越嚟越忙，就要请人帮手，其中一个其实系我嘅Fans嚟。因为社交网络上面有好多粉丝知道我钟意画嘢，于是佢哋都会画我，然后tag返畀我睇，我全部都有睇，有时候会repost。其中有一个成日都画我著唔同嘅衫，于是我就叫我partner去揾佢，直到而家佢同我系一个试验嘅阶段，去帮我嘅label画唔同设计。”

想不到一个简单的举动，却令这个粉丝大受感动，Fiona续道：“有一晚佢画咗张素描畀我，后面有一段字写住‘多谢你请咗我，喺你揾我之前，我有谂过放弃我嘅梦想。尤其读Art好难揾到出路，家人又会畀压力，我有考虑过做一个打工仔就算数，直至你揾我，我终于对梦想有希望。’所以我好想透过呢啲故事话畀大家听，冇嘢系冇可能。”

薛凯琪尚未完成的梦想

Fiona谂头多多，除咗做歌手、演员、时装品牌老板，其实仲有好多对人生下半场嘅憧憬，包括开户外演唱会、举办艺术装置展览、做导演，她大爆：“其实有一个电影剧本未做，要等我喺幕前冇咁忙嘅时候先做到。呢个故事已经有晒大纲，系一个关于地狱、天堂、人间嘅爱情故事，想讲一啲关于有奖有罚嘅道理。”不过呢啲梦想并不稀奇，最有趣系Fiona笑说：“仲有一个梦想系想有自己嘅农场，我发梦见过自己种菜畀自己食，个感觉好好。”虽然带点离奇，但却不失浪漫。

唔再推出实体碟

有关今次专辑，薛凯琪有一个重点想补充：“近年我买其他歌手嘅音乐，都系电子版本，对上一次会放CD入机听已经唔记得系几耐之前嘅事。就算我卖到十万只碟，我都觉得好唔环保，因为CD盒同CD都系唔可以分解，正当呢个世界变动嘅时候，总要有啲人行先，我希望我可以系首先唔出实体碟嘅人。”她更坦言：“我谂我以后都偏向唔出实体产品，就算一定要出，都只会出限量版，而且当中嘅产品要系实用，因为任何嘢唔用都系浪费。例如今次我推出一个限量版Boxset，入面都系无碟，只有headphone、月历、notebook。因为乐迷佢哋需要一啲实体嘅物品畀佢哋纪念，所以我就谂咗呢类大家都用得著嘅产品。”