邓健泓MV邀谭玉瑛盖世宝参演　《闪电传真机》回忆返晒嚟！

撰文： 洪晓璇
出版：更新：
邓健泓足足5年无出新歌，自己包办作曲填词。

依家嘅小朋友，返学要补习上兴趣班，返屋企有无穷无尽功课要完成，唔好话玩，连瞓觉时间都唔太足够。唔似得那些年香港嘅小朋友，个个睇《430穿梭机》、《闪电传真机》长大，主持儿童节目嘅艺人更成为小朋友心目中嘅天王巨星。邓健泓相隔10年再战乐坛开骚，新歌MV仲特别揾嚟《闪电传真机》拍档谭玉瑛、盖世宝跨刀演出！

【童年回忆】播完近18年　《闪电传真机》主持去晒边？

邓健泓于马尔代夫蜜月之旅中不停为MV做准备，难得太太石咏莉相当体谅，更担任其专属化妆师。

香港近年成日讲集体回忆，缅怀过去美好片段，邓健泓（Patrick）当年于经典儿童节目《闪电传真机》摇篮中长大，新歌MV为切合回忆主题，专诚揾嚟《闪电传真机》3位旧拍档主持谭玉瑛、麦长青（麦包）以及盖世宝客串。佢地各自带一件满载回忆嘅私人物件，Patrick再将回忆化成文字。

邓健泓新歌MV揾嚟《闪电传真机》3位旧拍档主持谭玉瑛、麦长青（麦包）以及盖世宝客串。

Patrick表示：“首歌系讲青春回忆，歌词中嘅‘你’系青春，我请呢几位朋友喺屋企攞一件令佢哋有青春回忆嘅物件去拍摄。麦包嘅故事最伤感，佢喺MV拎住嘅游戏机系同佢亲生兄弟细个时候一齐玩，但佢嘅兄弟已经离开咗，我就写咗好朋友，兄弟都可以好朋友，了解麦包你就会更加有感觉。”

“老朋友，你好吗？很久没见。”麦长青拎起同亲生兄弟细个时候一齐玩嘅游戏机，感慨良多。

盖世宝抱住一只陪伴她多年的毛公仔出镜，Patrick话：“好多女仔会揽住只公仔，开心揽住佢，唔开心揽住佢喊，甚至同佢倾偈，呢个就系佢表达嘅嘢，佢对呢件物件都做过呢啲事。”至于谭玉瑛姐姐就拎出一本日记簿，以前她确有写日记的习惯，而无数人都曾将自己的感觉或把歌词写在薄上，变成好像罚抄歌词，又会把歌词套在自己和别人的身上。

“曾经总有某某陪你一起笑过，喊过，荒唐过。”盖世宝抱住陪伴长大嘅毛公仔。

另外参演嘅嘉宾仲有孙耀威、蒋志光及郑敬基。蒋志光拎咗一部walkman令Patrick相当感慨：“我写嘅字句系‘现在的唾手可得远远不及，曾经的用心经营’，就系讲依家我哋嘅音乐唾手可得，随时download到，但系以前我哋为咗辑录一盒自己喜欢嘅歌曲摆落录音带，系需要过程同埋心机，所以以前嘅歌系咁刻骨铭心；亦都可以比喻依家嘅人或者爱情，所有唾手可得嘅唔会珍惜，用心经营过你先识得珍惜。”

“我还是喜欢用文字记录，你曾经给我的美好。”谭玉瑛重温当年日记簿嘅一字一句。
“现在的唾手可得远远不及 曾经的用心经营”蒋志光手上嘅Walkman，令同为音乐人嘅邓健泓相当有共鸣。
“曾经我们都有著，金刚不坏之身”孙耀威带来的是本土漫画《龙虎门》的“龙虎三皇”figure。
“总有一些曾经是历久常新的”至于郑敬基的原子粒收音机，虽然破旧，但作用依然。

《那年。某日》

曲/词：邓健泓

编曲：叶肇中

监制：林润明

某段 旧记忆继续浮现

回味那个春天 青春不可盖掩

曾踏过了多少 春风秋雨回忆不了

珍惜太少 感觉徒然

挂念 共你的那份坚持

还是爱听 一起选的唱片

年月每天 耗损 跟你无法幸免

不会逆转 却要眷恋

某日我会记起

一切向往仍然是你

再度回味 当中一切未老死

那日会再一起 跟你可再从头细味

幸福岁月里 总会遇见你

岁月 烙印于每日跟前

其实已经 跑多圈都气喘

年月太早揭穿   一切无法预算

仿似历险 刹那太短

某日我会记起

一切向往仍然是你

再度回味  当中一切未老死

那日会再一起 跟你可再从头细味

幸福岁月里 总会遇见你

曾经一起 飞千里

无可媲美

某日我会记起

一切向往仍然是你

与我常在 当初一切未老死

那日会再一起  跟你可再从头细味

幸福岁月里 总会遇见你

幸福岁月里 不怕老死