【多图】杨丞琳红馆骚头场 孖陈柏宇唱《理智与感情》回忆返晒嚟
撰文： 黄浩晋
出版：更新：
杨丞琳昨晚举行《青春住了谁》红馆个唱头场，除了唱出多首载满大家回忆的金曲之外，另一焦点就系有待嫁新娘阿娇钟欣潼现身支持；更有陈柏宇现身，相隔10年两人再合唱《理智与感情》。
相隔5年多再踏红馆舞台，杨丞琳好识做向歌迷话：“我要同你哋讲对唔住，要你哋等5年，系咪好耐呀？我今日会尽量讲多啲广东话！”杨丞琳咁识做，fans又点会嬲得落呢？
各位fans等咗杨丞琳同陈柏宇再度合唱几耐呢！(黄国立摄)
+1
杨丞琳与陈柏宇10年前推出《理智与感情》，可算是8、90后的集体回忆，但原来当时二人录音都要分开录，MV又要分开拍，今次终于同台真系机会难得。难怪杨丞琳话：“当时要分开录音，MV也是要分开拍，感觉很孤独！”而且佢无耐之前先知道陈柏宇已为人夫，佢话：“今天Jason发了红包给我，我觉得很惊讶！原来他去年已经结婚了。”讲起利是，原来工作人员俾咗个“红包袋”杨丞琳，不过佢好体贴向fans话：“你们已经花了很多钱，不需要再给红包我。”
虽然杨丞琳想锡住fans，不过fans一样热情难挡，从相片见到有fans攞定利准备喺握手环节送俾偶像拜个年！
大家有冇数到杨丞琳㖊晚换咗几多套战衣呢？(黄国立摄)
+2