张敬轩今年要出灵界大碟？ 笑言：烧畀我啲Fans！
撰文： 彭嘉彬
出版：更新：
张敬轩今年全面回归乐坛，几年时间内，原来佢争落唔少“街数”，由出广东碟、国语碟、做科幻片男主角、拍电视剧等等，找起数嚟真系分分数去到下年都未找完。不过呢啲风吹咗咁耐，连Fans都忍唔住整咗个走数清单Post上网，轩仔当然就要做返个“找数真汉子”啦！第一炮，佢就首先找咗“出碟”呢条数先！
话说轩仔都算有心，其他人宣布出碟都系开个Press Con就算，轩仔就真系拍埋片，将成个“出碟”过程做畀大家睇。不过…为何结果不是我想的那样？轩仔找数“出碟”，真系去画瓷碟，仲一画就画咗21只，认真有才华。其中一只碟仲畀佢画咗道“天师灵符”喺上面，写住“出碟成功、出极都有”，佢开玩笑话：“呢只碟几时出好？梗系七月啦，灵界大碟呀！”仲话要将啲碟烧畀Fans，认真搞笑。
+6
不过讲返正经，轩仔喺片尾亦正式宣布，3月就会推出自己嘅最新专辑，唔知专辑最后会唔会好似片中所讲咁，系广东兼国语大碟呢？希望轩仔唔好再走数啦！