胡琳五月开九展Jazz Concert　出道12年笑言自己逆向生长

爵士天后胡琳今日在尖沙咀六公馆举行《Shining Moment 2018》演唱会发布会，寒风刺骨，但Bianca仍身穿露肩长裙现身，仙气十足。

今次演唱会将于5月26、27日九展Star Hall举行，以“蜕变”为题，更邀请了美国的爵士班底New York Jazz Cats来港演出。出道12年，胡琳笑说自己最大的变化是眼见从以前的成熟形象变成现时的“BB样”，逆龄的感觉非常神奇。

不过今次除咗开演唱会高兴，今日Bianca都可以记系满载而归。除咗从家燕姐、陈欣健、陶杰、刘家豪、梅小青等前辈身上得到唔少鼓励说话外，更有郑丹瑞手中接过“天籁歌后”嘅牌匾，又有Audi做演唱会Title Sponsor，仲有鲍鱼收，未到新年已经又食又拎。

继早几年前在演艺学院和香港文化中心演出。今次胡琳首次把舞台带到九展Star Hall，众所周知，在Theatre听Jazz，声音的质感多多少少会跟演唱会场地有所不同，这对胡琳来说又会否成为一个关键的问题? 接受《香港01》访问时，她坦言：“其实我好钟意演艺嘅场地，因为佢为好多音乐剧、舞台剧提供咗好顶尖嘅器材，不论灯光同音响。不过今次想多啲乐迷可以参与，所以选择咗Star Hall。其实之前嘅Concert除咗爵士音乐，我哋都放咗好多流行性多啲嘅元素落去，今次都一样。唯一担心就系场地大咗，可能会冇咗同观众间亲密嘅感觉，我一路都有同制作团队商量，点样令声音上继续保持到亲密感，尤其要关顾埋二楼嘅观众，希望到时做出嚟可以带出pop jazz同观众可以好close嘅主题。”

临近新年，问到Bianca会否为演唱会而刻意少食贺年食品，她笑言：“今年要同屋企人一齐过，所以无可能Keep Fit，阿妈一定会监实我食好多嘢，为咗我表现出我系一个好健康又肥又白嘅孩子，我要喺佢面前搏命刨饭。最紧要新年令屋企人开心，其他嘢之后再谂。”