【专访】出新歌连自己都唔期待　刘浩龙：以前会听吓有冇电台DJ播

歌手刘浩龙（师兄）近年主力发展电影工作，尽管密密拍戏，但师兄在乐坛上仍然继续有新歌推出，但宣传力度未如从前。最近他推出了新歌《Feel So Right》，歌曲是继2005年的《Shut Up Baby》后少有的快歌，而且更宣布将于今年4月底在旺角麦花臣举行演唱会。不过经历多年乐坛生涯，师兄却坦言：“我而家出歌已经冇咁期待。”
摄影：黄国立
场地：The Statium
Stylish：Charles Wong
Jacket：Kent & Curwen
Knitwear：Diesel Black Gold

刘浩龙（师兄）自2016推出EP《Change Your Life》后未有再出碟。虽然他有感在乐坛上慢慢被时代巨轮淘汰，但对于性格不容易放弃的他来说，为了打破这个局面而继续做好自己歌手本份。“我当年1997年签华星嘅时候都用咗7年时间先有机会出第一张专辑，我唔系一个咁容易放弃嘅人。”师兄说。

“有好多人以为我依家专注拍戏，其实我年年都有出歌，我根本就冇离开过乐坛。只不过我有啲时间放喺电影上，每次开戏基本上就会有一段时间唔会见其他人，而且有时又会返国内工作，所以除非有电影宣传或者访问外，大家会觉得我喺香港好似好少出现。”

由于忙于电影发展，师兄上年只推出一首歌曲《不一定》。在2018年年初推出了快歌《Feel So Right》，提到现在出歌的心态时，师兄坦言：“我依家出歌已经冇咁期待。其实我录制过程系开心，但到派台当日就变唔再期待。以前嘅我系会派台当日即刻开收音机听下有冇DJ播，外界对首歌有咩反应。依家心态唔同哂，只要自己过瘾过，对得住自己就已经好好。以前出歌真系一派完歌就会喺屋企练歌，因为当年香港成日有骚揾啲歌手唱LIVE，不过依家真系少之有少。我上年出《不一定》嘅时候到依家都未唱过，可能真系要等到4月开骚先第一次唱。”

今年4月27日师兄将在旺角麦花臣举行演唱会名为《刘浩龙Wilfred Lau Action Speaks Lauder Concert 2018 》演唱会。当中Lauder并非Louder都是演唱会监制刻意设计。今次演唱会海报算是非常特别，造型师特意为师兄从外国订一把真胡须，并拍摄出一个一点也不“刘浩龙”的刘浩龙出来。

提到新歌《Feel So Right》是师兄继2005年的《Shut Up Baby》后的快歌，歌曲充满饮酒开派对的感觉，“呢首歌我特登揾梁柏坚帮我填词，其实大家一直都想合作，不过我之前多数出情歌，而我又觉得揾得佢紧系想玩味重啲，所以今次《Feel So Right》终于可以同佢合作。我仲记得当时揾佢约咗佢打边炉，我同佢讲想写一首歌开正佢嘅喜好讲饮酒时嘅快乐。点知佢用咗一晚时间就交咗第一份词。但系我一睇就觉得佢好似带咗我去‘劈场’饮酒，我就同佢讲我想happy唔一定要‘劈’，唔想鼓吹大家饮酒。最后我约佢去作曲人Kenix Cheang屋企饮住威士忌写好份词。”