【有片】费玉清跳大妈舞唱《对你爱不完》 挑战音乐新境界好喜庆
撰文： 洪晓璇
出版：更新：
香港朋友对费玉清嘅印象，大部分都系来自于佢同周杰伦合唱《千里之外》，不过其实佢资历真系相当深厚，人称小哥嘅佢出名歌声极具个人特色，1977年已经推出第一张唱片，出道至今已经足足41年，擅长唱民歌和小调风格。呢次系内地节目《天籁之战2》当中，又唱又跳郭富城嘅《对你爱不完》，效果真系相当喜庆。
费玉清朗诵腔唱《小幸运》甩Beat 网民︰硬晒軚有啲呕心
内地节目《天籁之战2》总决赛中，费玉清同拍档刘相松就好似将比赛变成春节晚会一样，佢地将《对你爱不完》Crossover《春来了》一齐表演。费玉清坚持用佢嘅清澈潦亮字正腔圆嘅唱法，献唱“对你爱爱爱不完，我可以天天年年月月到永远”，！劲歌热舞搭配民族舞步，标准城城手势搭上类似薜家燕“Hey也Hey也Hey”嘅十字舞，画面居然系相当和谐，简直系Perfect Match﹗直情同贺年歌有同样喜庆效果，唔知两位香港台湾嘅大前辈，有无兴趣考虑下合作演出呢？
+4