【专访】殡仪、兽医助护都玩Metal？　乐队逆流睇透生死创作音乐

重型音乐在香港总是被贴上“地下”、“非主流”的标签，很多人会觉得与“Metal友”有很大距离，总是认为他们黑衫黑裤、凶神恶刹。除了音乐口味不同外，Metal友与你我无异。音乐人同样要打工揾食，可以系兽医护士，亦可以冷门如殡仪行业，一样有人玩Metal，乐队逆流就是这样构成。
所以话，总有一个Metal友喺你左近。
摄影：陈顺祯

逆流的歌词带一点文学味道，一时似是经文，一时提到花开花落、缘起缘灭，像是在诉说一些道理要听众自行参透。以上元素与主音杰佬从事殡仪行业有莫大关系，他表示：“其实系我屋企家族生意，我系做最前线𠮶班，要接触遗体，帮先人洁净躯体、化妆、搬运、入俭；亦要学识不同礼数、仪式，最后运送到火葬场或者山头。呢个职业影响咗我对生死嘅睇法。”

经常面对生离死别并不代表从此麻木，毕竟人始终有情绪，而非冷冰冰的机器，杰佬说：“工作时抱住一个尊敬嘅心去对待，以为自己会系一个麻木嘅状态，但将遗体推出灵堂，见到先人家属嘅表情、情缩，都会心悒 ，都系会有鼻酸嘅感觉。”他续说：“每个人生前死后嘅故事我哋唔会知，但系佢哋留低咩嘢俾后世嘅人，会令佢哋有咁大反应，应该系一个壮阔嘅故事。”杰佬亦透露逆流的歌词与喃呒师傅念诵的经文有关：“‘散花’系其中一个段落，所以《六呎之下》有一句‘散花若能解结，愿如花散’。”

除了先人的故事，现实逼人同样令杰佬试过崩溃：“有大半年时间我朝早6点起身，夜晚教学生，返到屋企都11点几。有一晚返到屋企楼下，崩溃到喺灵车入面喊，喺到谂点解要折磨自己，亦因为咁而写咗《毋忘我》嘅歌词。提醒大家唔好忘记‘我’喺边到。”

工作要面对生死的不止杰佬，Bass手阿Ken现职兽医护士同样对生命有很深体会，他表示：“同杰佬相比，我同样要面对死亡。不过我见住小动物仲在生时嚟求诊，但有啲case系比较绝望，即使用尽方法去帮佢，但有啲嘢真系唔到你话事，𠮶一下就会发现有时人嘅能力都几渺小。”

即使现实令你无力，也要拼尽，这是阿Ken从工作得到的体会：“即使你知道你未必控制到，现实好残酷，但系你唔可以咁易气馁，唔可以俾唔愉快嘅事击败自己。做音乐亦一样，就算好多人同你讲做嚟冇意思，但系你坚信自己做紧嘅嘢有意义，总会令身边嘅人明白。”

逆流的歌曲用上破音结他、密集击鼓、嘶哮唱腔，但并非单纯的情绪渲泄，而是言之有物，同样使人为之动容。证明重型音乐可以有不同面向，一样能发人深省，是时候撕下那些负面标签。

近年乐队文化再始擡头，不同音乐风格都受到传媒关注，甚至登上颁奖礼舞台，那逆流对重型音乐现时的发展有何看法？杰佬对此感到悲观，因为演出场地实在不足：“系有啲悲观嘅，演出场地真系太少，我哋用咗7年时间，由乐人地带再去到麦花臣。任何乐队都必须由细场地行出第一步，俾你明白到咩叫一场演出，但系依家冇，希望有关当局会尽快正视。”

鼓手阿燊话：“虽然重型音乐喺香港未算好普及，因为始终大家唔理解，但依家乐队们唔系坐喺到话其他人唔识欣赏，大家真系问心无愧咁用行动去推动呢件事。我个人系比较正面，希望可以喺我在世嘅时候会睇得到，香港颁奖礼好似外国咁会有Best Metal Performance！”