【十大中文金曲】陈奕迅获赞攞奖无限Loop 吹神金句：多元啲好
撰文： 黄浩晋
出版：更新：
《第40届十大中文金曲－我和你音乐会》今晚于九展举行，陈奕迅成为大赢家连夺三个大奖：“全国最佳歌手”、“全球华人至尊金曲”及“最优秀流行歌手大奖”。Eason三度上台攞奖，佢兴奋得话：“好似replay咗咁，哈哈！”主持人都称Eason为“攞奖无限Loop”，不过Eason谦虚话：“多元啲好，嚟嚟去去唔系几好嘅。”
Eason攞大奖之余亦为大家送上一段金曲Medley表演，不过表演之前他自嘲说：“做足功课就唔怕紧张，甩歌词系值得俾人闹嘅……下一个环节好过引，我练咗好耐！”他又说：“做足功课就可以好自如，唔使去谂做紧乜嘢，做歌手喺台上面最紧要系玩得过瘾！”
陈奕迅一口气唱出《Shall We Talk》、《四季》、《七百年后》、《富士山下》、《任我行》、《富士山下》、《明年今日》、《夕阳无限好》、《重口味》、《陀飞轮》等等歌曲，让歌迷一次过回味他历年来的金曲。
一听到Eason唱《四季》，明显他想“复仇”一洗去年在颁奖礼上失手的污名；除此之外，他将《重口味》改编成Jazz版，正如他得奖时所说：“做足功课就唔使紧张！”Eason表现非常投入，手舞足蹈也没有影响发挥，真系做到“随心而唱”整段Medley以《陀飞轮》作结，同样是带点Jazz味道的编曲，陈奕迅改动了某些旋律，为观众带来新鲜感。Eason亦能兑现承诺，整段表演完美演绎，没有让大家失望。
睇到Eason咁自如，我哋认识嘅陈奕迅终于返嚟喇！(陈顺祯摄)