【叱咤】Supper Moment夺3奖唔容易　希望下一站红馆

Supper Moment得到我最喜爱歌手真系一啲都唔意外，因为佢哋嘅态度，好值得大家欣赏。今晚佢哋一共得到3个奖，Sunny去到台上都忍住忍住唔喊，表示目前的心愿就是可以喺红馆开演唱会：“我真系好多谢你哋…如果同大家讲我哋band11年去过好多大大小小嘅地方，我哋都喺度（会展）开过演唱会，我哋由一个香港独立乐队想再挑战另一个场地去开演唱会，我唔知得唔得，你哋帮我哋集气好冇呀？”

后来Sunny向森美要求讲耐少少，多谢不同音乐人，包括自己另一队band铁树兰：“我希望香港可以有唔同类型嘅音乐人，我真系好想见到。”森美听到都好感动，都帮下口：“我哋可以投票拎佢哋上到呢个台，都可以用投票将佢哋带到另一个更大嘅台！”希望supper moment可以继续有好成绩。