【叱咤】李克勤《失魂记》首夺至尊歌曲大奖　自嘲已是80年代人

李克勤作为今年乐坛的大热赢家，今晚在《2017年度叱咤乐坛流行榜颁奖典礼》上，主打歌《失魂记》毫无悬念夺得《叱咤乐坛至尊歌曲大奖》。上台攞奖时，他表示：“第一次攞到呢个奖，实不相瞒第一届《叱咤》Fing旗仔嘅时候我已经系度。一路Fing到而家，真系好谢大家。”克勤咁感概，其实也不无原因，因为他一直与《叱咤》的大奖也没太大缘份，上一次在《叱咤》得到大奖，已是2003年“叱咤乐坛我最喜爱的男歌手”的事情。

克勤更在台上自嘲：“李克勤嘅优点系知道自己有好多缺点，同埋知道呢啲缺点系咩。其实我已经系一个80年代嘅歌手，而家已经2018年，要生存就有好多嘢都要与时并进，要掉低好多零件砌返啲新嘅上去。而我嘅监制冯翰铭就系我嘅神。佢连时装都同我不约而同著同一套，不过可能系我哋嘅太太心灵相通啦。”而冯翰铭亦谓：“一个人做同一个工业做足三十年，比在边个都会滑晒哑。一个滑完哑嘅人可以用三个星期去亲自剪自己嘅MV，我觉得我无乜资格一个人去攞监制奖，因为呢首碟其实系佢监制我去监制佢嘅。”