黎晓阳再出新碟　自爆曾经好沮丧：觉得个结他一年比一年重

歌手黎晓阳日前举行《Some Things I Keep to Myself Some Things I Share》EP Launch Party，一众圈中好友及前辈都有到场支持，包括：at17、C AllStar、邓小巧、Nowhere Boys、黄靖等等，其中卢凯彤更大赞：“我都几仰慕你嘅！真心觉得你结他fingering弹得非常之好！”获前辈大赞就连现场fans都戥黎晓阳开心，不过黎晓阳则笑言：“咁样先最怕呀！”

黎晓阳在EP Launch Party上除了唱出多首新歌，如：《自由泳》、《怕》、《Mr. Weather Man》、《I Will Be Alright》外，亦有《天行者》、《永远很近》、《Cope With Life》、《香港杰出废青》等等乐迷耳熟能详的歌曲，满足一众新旧fasn的口味。除了请到at17上台，监制谢国维都有负责唱和音，又有黄淑蔓上台一同唱出Ed Sheeran的《Photograph》，两把清新靓声合唱令全场乐迷大饱耳福。主持Collin笑指黎晓阳不懂面对女生，难怪黎晓阳在台上会一脸腼腆。

当晚音乐会台上台下玩得尽兴，到表演《自由泳》一曲时，因为编曲上采用不同的敲击乐器，为原汁原味呈现予乐迷，连结他手都要放下结他帮忙，而鼓手更变成“三头六臂”，玩完钢片琴要转用沙槌，再转打非洲鼓忙得不可开交。虽然要极速转位，但乐手们一样乐在其中，相信在场乐迷都能感受到音乐人的热诚及专业。而且近期爱上画画的黎晓阳在演唱会上拍卖3幅作品，将收益捐至香港护鲨会。

整个音乐会以一首相当过瘾的《My England ain't No Good》作结，台上台下大合唱，就连结他手都唱埋一份，令众人享受一个充满笑声的晚上。骚后黎晓阳接受访问，被问到是否因为生活上有所感触所以写下《自由泳》一曲？他表示：“喺香港生活其实好困扰，好多嘢好似set定晒路线咁，毕业之后就要做嘢，之后就要买楼、结婚，跟住就死咁。但系我哋个MV就系有唔同国籍嘅人，佢哋都活出自己嘅人生，点解喺香港生活就要咁多框框呢？其实仲有好多lifestyle嘅可能性！”

另外，问到会否创作更多《Cope With Life》这类简直白却引人反思的作品？黎晓阳话：“都会呀！虽然呢首系我第一首写嘅歌，以为好似好简单，但系发现原来好多人都好钟意呢种咁简单嘅歌，尤其系年纪大过我嘅人好钟意。”

新EP题材讲及成长、人生的想法，是否这段时间有所感触？黎晓阳话：“有一段时间试过质疑自己会唔会再写唔到歌呢？会唔会已经用尽自己嘅能力呢？但系慢慢就踏过咗呢个阶段，因为我发现身边好多人对我好好，好似霎时感恩咁，可能系因为年纪开始大，发现其实自己咩都有。”他又提到一段时间试过很沮丧：“试过觉得个结他一年比一年重，试过觉得好无聊；但发现自己其实好幸福，父母仲喺到，做紧自己想做嘅嘢！仲有身边好多人支持，真系好多谢佢哋！同埋以前太多比较，依家学识去处理。”

最后问到被俾卢凯彤大赞弹得好，黎晓阳弹木结他有何心得？黎晓阳话：“其实都系以前busking累积经验，其实我唔系好技术性嘅人嚟嘅，Chord Vocing都系随心，其实我有好多嘢要进步，但我会上网逐格逐格睇John Mayer只手右手点样做，去慢慢学。”