钟舒漫一首歌拍足4个MV　其实音乐都应该“Be Water My Friend”

已故武术大师李小龙先生曾讲过：“Be Water My Friend”，意指水能随容器的改变，而作出形态上的变化。而套用在人身上，人亦应保持着本质，因应环境变化作出应对。在武术如此“有形”的事物上也能“Be Water”，何况是在“无形”的音乐上？钟舒漫早前推出《Be Water My Friend》，引用了李小龙的这句金句，把水的多样性放在新歌当中，原来表达形式也可以不止一种。

《Be Water My Friend》是由王双骏与钟舒漫共同打造的歌曲，比起王双骏近年大玩电子风格，今次新歌编曲上却回归80年代Funky色彩，Sherman表示：“香港好少机会听到Funky嘅Style，而我同Carl叔叔（王双骏）嘅共通点系大家都好钟意80年代尾到90年代嘅音乐，当时嘅Hip Hop Beat、R&B，都系我哋经常听。所以Carl叔叔觉得我应该将自己钟意嘅嘢放落去。”

由《从不信自己》到《隐型》、《小碎步》，再到今次《Be Water My Friend》。Sherman今年用4首歌去叙述有关“真我”的课题，其实香港绝对不乏励志歌，以至近年可说是其中一个大热题材，于Sherman来说，4首歌其实也在说自己：“励志歌其实可以有好多款，有啲系明显地叫你唔好放弃，有团火燃烧住咁叫大家‘加油呀、加油呀！’但除咗呢种方法去演绎，其实仲可以有好多种题材同形式，所以陈咏谦帮我用《Be Water My Friend》概括咗我心入面谂嘅嘢。”《从不信自己》讲初衷；《隐型》则是尊重自己的真本性；《小碎步》诉说每人也有属于自己步伐；再到最后《Be Water My Friend》，在模造自我的过程中，如何在改变当中保持自己本质，大概便是今年度钟舒漫音乐上的一个概括。

“我哋可以系杯　可以系樽　可以系茶壶肥又矮”大家以为这句歌词只是唱唱而已？不过同一个题材，Sherman可以用足4首歌去叙述；同一首歌，她更可以4种不同形式表达。为了《Be Water My Friend》，Sherman除MV以外，更拍足4个Art Project短片，分别以 “Graffiti Writer”、“Drums and Keyboard”、“Beatbox Version”、“Tricking & Martial Arts”4种不同艺术重新编排及演绎《Be Water My Friend》，走出音乐以外的框框。

今次《Be Water My Friend》强调，人的存在不应只有一套风格。把这套放到香港乐坛身上，就像老生常谈：“香港嚟嚟去去都系得K歌，歌手个个都差唔多。”尽管今次推出新歌落了120%的力，却未必有相应的回响，但Sherman把今次的经验当作是教育一部份，“广东歌比起韩文、国语、英文系难唱好多，因为要一只一只字唱清楚，如果你用其他语言嘅唱法，大家会觉得你唱唔清楚、广东话套得唔好、唱唔到广东话嘅味道。久而久之，大家都会用返同一种方法去唱，出同一类型嘅歌，先会有人听有人钟意，所以唔敢出其他歌。不过表达系每个人都唔同，每个人都应该有自己style去唱广东歌，可能开头未必人人接受，但当个风格出咗嚟之后，大家就会开始适应。其实每个新文化嘅开始，都需要时间同过程俾人适应，而香港可能有好多唱片公司同歌手，就系顶唔住呢个过程，试咗一首新啲、得意啲、自由啲嘅歌，但一旦出现反对嘅声音，大家就决定放弃啦，结果转嚟转去都回归原点。”大概香港乐坛的悲哀也因而形成：“大家听嚟听去都系𠮶啲歌、香港都系要呢啲Style、咁做音乐先work。”这些年来，同类说话的确听过不少，所以Sherman希望打破香港的速食文化，先要由自己做起：“认识好多行内人都好想打开自己，将本来就好擅长好喜爱嘅Style带出嚟，但又好似好多掣肘。所以今年我有少少豁出去，做返自己，所以件事好开心，亦做得好有动力，希望带动到其他艺人都有呢个胆量将自己钟意嘅嘢做出嚟。”