舞蹈员够平先有人请？ 狄以达：同揾人影相斋Share唔俾钱冇分别
狄以达、火鸡姐丁可欣、邓智坚、Lokman杨乐文、Jessie方咏琳一同到九龙湾出席舞台剧《HiHi大爆炸》记者会，众人戴上爆炸头假发配合舞台剧主题，又与现场观众互动玩游戏为大家减压一番。
近日杨千嬅演唱会招募少经验Dancer疑似借此压价一事，在网络上闹得热烘烘(传送门)，狄以达、火鸡姐与Lokman同为Dancer对于舞蹈员不合理待遇一事，异口同声说：“呢个问题其实存在咗好耐！”Lokman又爆：“有时最低工资都唔到㗎！”
网络上普遍意见针对该海报上标明“少量经验者优先”，令人联想到该Dance Studio是否借此压价，狄以达表示：“我觉得呢个系公关上处理嘅问题，可能写得太明显喇，但都希望个行业愈嚟愈好啦。同埋个手法要低调少少，因为写明‘少量经验者’优先，好易激发到其他人嘅谂法，令人误会。”狄以达又用早前一件网络热话形容事件：“咁同妈妈group揾摄影师影相斋share唔俾钱一样之嘛！”
不过，有经营跳舞学校的狄以达也提到经营者面对的问题：“其实有好多时避无可避，可能系制作成本太低，愈嚟愈少budget，唔止Dancer、工作人员、化妆、set头、乐手都会越嚟越低(价钱)。有时都好矛盾，作为管理者或投资者有时真系afford唔到咁昂贵成本，真系要慢慢磨合。”无论经营者或者表演者都有责任，改变行业现时发生的问题。
除此之外，狄以达又讲到最深感受事不是金钱问题，而是不被尊重：“我最深刻唔系钱银上嘅嘢，我14、15岁开始去做骚，最唔开心系冇尊重。因为我跳街舞出身，好多人都觉得跳街舞唔系专业，觉得跳commercial先系专业dancer。甚至我入行做歌手𠮶时，都有唔少人话街舞上唔到大台，唔入流，好多人都建议我转。呢啲嘢听落去好唔舒服。”
对于Dancer不被尊重的问题，火鸡姐也感同身受：“对比起𠮶班好嬲嘅Dancer，唔系嬲在钱，系嬲在唔尊重。”火鸡姐又提到自己也曾被压价：“我系试过俾人压价，个价系我觉得做唔到，真系唔做！因为呢个系我对自己嘅尊重。”
火鸡姐又表示身为Freelace Dancer不受保障，求助无门：“好希望可以有个工会，因为有时我哋Dancer遇到呢个问题，其实我哋唔系唔想解决，但系我哋唔知可以揾边个帮我哋，亦冇相关嘅嘢俾我哋follow，去追讨番一个正常要有嘅待遇。所以如果有一个工会可以保障番我哋就好喇，因为freelance dancer喺呢方面系冇保障。”
曾参与拍摄《狂舞派》的Lokman对于Freelance Dancer被压搾一事也很深体会：“做烂市呢个问题其实都存在咗好耐，系一层压一层嘅压力，由公司到production，再到创作团队再到freelance嘅artist，各自有压力所以一层打压一层。去到最底层就系我哋Freelance Dancer，系最惨同中得最应嘅人。我哋付出同收入唔成正比，都系一个好‘历史悠久’嘅问题。”
被问到行内风气是否“摆明车马斗平”？Lokman表示：“其实市面上都系摆明车马斗平㗎！任何行业都有呢个恶性循，有时最低工资都唔到㗎！好难去解决！”
对于“少量经验者优先”一句，Lokman认为外界可能有一些误解：“可能大家有少少误解咗呢个句子，佢可能系想讲只要一个dancer有少少经验都可以嚟试下audition先。如果讲‘多经验者优先’，又可能会吓怕某啲人。所以‘少量经验优先’，唔系话少量经验就合资格，亦唔系拒绝丰富经验嘅Dancer。”
对于何谓合资格，何谓有经验的Dancer，狄以达表示难以一概以论：“标准每一次唔同，要睇表演内容性质。因为有人可能跳十年都跳得唔好，有啲跳几年就好好，所以一个Dancer嘅比赛成绩、reference都系考虑因素。”狄以达又话：“坦白讲，有时我都唔敢揾啲太新嘅人，因为即使悭到钱，悭唔到时间，要花长时间去排练变相时间成本多咗，都系我麻烦。”
另外，行内Dancer计骚钱有不同方法，有些只计数On Show时间，有些连彩排时间计算。被问到单次演出甚么价钱才算合理？狄以达表示：“好难咁讲，不过最少都4位数字。”身旁的火鸡姐也表示：“低过4位数字就好夸张。”
狄以达、火鸡姐、杨乐文、邓智坚、方咏琳一同戴上爆炸头宣传舞台剧。(黄浩晋摄)