【专访】挑战港铁霸权刘卓轩继续唱 组乐队“未能接通”唱出世界
当你有急事揾朋友，点知Whatsapp佢就“已读不回”，打畀佢又“未能接通”，你会点做先？一系忍佢，一系绝交。如果你选择绝交，咁你分分钟就会冇咗队Band。好彩主音Hinry、结他手KK同Bass手Rocky同鼓手阿Fing互相包容，今日先会有乐队“未能接通”。乐队“未能接通”歌曲主打Jazz Funk风格，系咪反映咗队中各人性格都随心而行呢？
前地政署职员“挑机”过后转行夹Band？
大家对“未能接通”可能感到陌生，不过应该一早就认识主音Hinry刘卓轩，因为他是2年前于观塘站Busking，被网民称作一句KO港铁职员的前地政署职员。回望被网民称为“挑机”的事件，Hinry自言冇乜特别感觉：“我busking四年，差唔多每个礼拜都发生，只系𠮶次俾人拍片放咗上网。重复嘅对白都讲咗上百次，所以你都见到我面不改容。”除了“前地政署职员”的身份，Hinry亦是《中国好声音》第三季香港区海选冠军，Hinry承认这些身份起了“直线宣传”的效果，不过大多访问都是围绕地契的问题，未有令出Show机会“直线上升”。
点解队Band会叫“未能接通”？
一队Band会叫“未能接通”皆因每位成员都“神龙见首不见尾”，Hinry、KK同Rocky异口同声说：“长期未能接通嘅系阿Fing！”Hinry再补充话：“阿Fing平时出出骚系揾唔到佢，搞到我哋3个好惊！试过11点出骚，阿Fing 9点话起咗身，点知到11点都揾唔到佢，连搞手都问我‘你个鼓手喺边’！”
不过结他手KK的神隐程度也不遑多让，队中各人形容他“永远唔理正经嘢”，Rocky表示：“每次都要喺Whatsapp group讲无聊嘢引佢应机，就算系叫佢睇《暂时未能接通》MV rough cut都要咁！”
嫌睇文字唔够，睇埋个MV大家就会明“未能接通”点嚟，同埋一开头𠮶段电话录音系真㗎！
“随心就是皇道”，初次齐人见面就写歌参赛仲攞埋奖？
虽然“未能接通”各人经常“神隐”，不过一攞起乐器埋位就会见真章，这种化学作用就夹Band最大的乐趣。《Wednesday Night》一曲对他们来说别具意义，Hinry忆述：“𠮶阵第一次齐人见面，就谂住不如报个比赛玩，而个比赛当晚11点59分就截止，我哋𠮶晚8点都未开波仲倾紧偈。之后就用咗3个钟时间由零开始做好晒曲、词、编，所以成件事好Organic，最后喺个比赛攞到第3名。”
由此可见“未能接通”4人密契十足，Hinry以“拍拖”去形容大家的关系：“我觉得大家都成长咗好多，性格要互相磨合，其实每个人都同另外3个人拍拖真系好唔容易，虽然会闹交quit group做下样，不过都冇试过话要散Band。”
除此之外，Hinry觉得队中有女成员可以起到“中和”的作用，如果全男或全女是非会比较多。未能接通已经“进化”到，主音Hinry随意哼出一段旋律，KK能用结他弹出那段旋律并作为新歌的骨干，如此合拍难怪Hinry都话：“夹到咁夫复何求呢！”
到底《Wednesday Night》有几劲？你听下就知㗎喇！
“未能接通”要行世界Tour！
“未能接通”除了羸过本地的比赛，还赢过省港澳的比赛得到冠军，年尾将代表香港到北京《迷笛音乐节》演出；另外，不少广州的Live House都相继邀请他们演出，对他们来说相当鼓舞。Hinry表示：“虽然当初话要行世界Tour好似有啲无稽，讲出嚟都会俾人笑，但系依家开始咗行第一步，对我哋嚟讲系一个强心针。”
现时越来越多乐队在主流乐坛占一席位，“未能接通”会否视某一个音乐单位为追赶对象？Hinry自信地表示：“其实我哋冇呢个目标，就系要做番自己，做‘未能接通’，因为假设我哋有一个好明确嘅目标要做边队Band，我就会变成𠮶队Bnad嘅影子，但系我哋就系‘未能接通’！”