4Minute《What's Your Name?》 泫雅话自己唔系随便嘅女人
撰文： 黄浩晋
出版：更新：
泫雅10月14日就同组合Triple H嚟香港开骚，难得韩国天后降临当然要温下书做足功课先好入场。之前同大家介绍过泫雅Solo作品，依家就睇下佢喺4Minute嘅歌，虽然演唱会都应该唔会再唱，但只要你睇下佢以前嘅歌路，就会明“性感小野马”呢个名点嚟，同埋会明白泫雅同性感划上等号系咩意思。
今次介绍嘅《What's Your Name?》收录于四张迷你专辑《Name is 4Minute》，作为主打歌当然喺MV方面落足心机啦。泫雅同其他成员衣着性感唔使多讲，而且场景不转换，先有涂鸦作背景，又有游戏房，又有街景加埋Dancer扮丧尸，几种元素共冶一炉非常抢眼，难怪MV有过3千万点击率。
《What's Your Name?》 曲风沿用她们擅长的电音舞曲，不过相对冇咁“战斗格”，玩味十足，而且Vocal Line够易记，又系听一次就上脑嘅洗脑歌，真系不得不佩服K-Pop嘅威力。