【反黑】“细华”由歌手变电影配乐　姜文杰：做音乐要靠自己储钱

由香港班底制作的网剧《反黑》近期热爆中港台。网上总点撃更突破5亿大关。对于以全香港班底制作来说，5亿绝对是一个值得大家鼓舞的数字。剧内情节除了有香港人口味的江湖剧情外，有多位大家见惯见熟的老戏骨。《反黑》来到第15集，在招积暂时败走后，这个单完多了一位久未露面的歌手参演。他就是饰演“细华”一角、好戏之人秦沛的儿子姜文杰（Benji）。

Benji初初在TVB主持《无间音乐》，到2010年他与妹妹姜丽文（Lesley）组成兄妹档唱作组合“Benji and Lesley”。他们的首支派台主打歌曲《Showtime》更得到不错的成绩。以独立歌手身份在首年得到多个新人奖项。虽然他们两兄妹在乐坛得到不少人认同，可惜在香港做音乐始终虽要成本制作，在没有唱片公司支持下未能持续推出音乐作品。之后签约HKTV做演员，可惜港视不获发牌。其后少有在香港乐坛见到Benji and Lesley。

姜文杰接受《香港01》访问时表示：“对上一次同大家倾计，我谂可能真系我拍完《导火新闻线》嘅时候。虽然我哋Benji & Lesley暂别香港乐坛，但我哋一直未有放弃。我哋中间有到内地参加节目‘我不是明星’之后成功开拓内地市场。我就一直喺内地拍剧做演员。其实呢几年有好多香港乐迷问我系唔系放弃咗香港乐坛。‘佢哋问我系唔系唔再唱歌？’、‘点解两年前喺内地出咗首歌《在一起》，咁香港呢？’其实有时我都好无奈，唔系条条路都咁顺，有好多问题都系意料之外。虽然我团火曾经有熄过，不过我身边朋友成日鼓励我，团火开始翻嚟。加上今次《反黑》我除咗做‘细华’之外，佢哋制作公司同我有音乐上合作。俾机会我可以监制《反黑》主题曲《大丈夫》，仲有做《反黑》嘅电影配乐，好感恩今次嘅合作令我音乐条路再次打开，导演宋本中、陈小春仲有陈国坤都有鼓励我做多啲音乐，所以我开音乐再一次翻嚟我生命入面。加上制作公司整紧新嘅studio希望嚟紧可以为影坛及乐坛做得更多。”

谈到在内地转战做演员，Benji强调在内地工作真的要打醒十二分精神：“拍完‘我不是明星’之后为我打开内地市场，我有拍剧拍戏。不过做喺内地做演员真系要好小心。当时我拍紧一套武侠片类型嘅网剧，入面嘅制作团队无经验扮有经验。我已经通顶两晚仲要同佢哋饮酒应酬，之后𠮶日练剑受伤但系都要继续拍。而有一幕我当时系要吊威也飞上去一个山坡上面，但佢哋竟然系无人试过飞唔飞到，亦都无人试过山坡上面安唔安全企唔企到人。而帮我拉威也嘅人，正常应该系一班专业武师，点知佢哋只系揾现场工作人员，制片，助导。我每次畀佢哋拉上去都撞嚟撞去，撞到周身伤。结果拍咗一个月，翻嚟香港医两个月。有时为保持专业都要顶硬上。”

问到Benji会否再在香港乐坛重新出发，他谓：“其实我同阿妹2010年储钱出第一张唱片呢个信念到依家都跟住我。我哋系独立歌手，所以要做音乐系要靠自己储钱。不过无奈地虽然我收入来源主要来自内地做嘢，但我做嘢赚完嘅钱都要喺香港交租，所以仲为紧两餐，我都希可以储多啲钱去行自己想行嘅路。其实我同阿妹虽然依家分开发展，但我哋其实无停过，我阿妹都几肯定会喺今年或者明年会出歌。而我自己希望喺两年内可以回归乐坛。”