【一首歌】Twins《女人味》 “女人的身份这样美 不再儿嬉”
撰文： 黄浩晋
出版：更新：
同一班朋友去K房唱歌嗌下发泄下绝对系一流嘅减压方法，事关日日返工做嘢做到晕，又要俾人当small potato讲咩都冇人理俾人当透明，点都要揾方法刷下存在感嘅！约埋三五知己走入K房当自己系主角，点唱点跳都一定有观众有反应，仿佛置身红馆开四面台。
相信好多人都会跟住MV跳舞，Chok晒样咁唱K，而Twins嘅《女人味》简直系首选！首先个音乐底已经够“Un”，歌词仲要讲到看轻爱情，又要将男人玩弄在股掌之中，成为一个“高阶玩家”，成件事真系一个字“型”呀！无论你平日生活如何被压搾，如何被无视，只要咁样型番晚条气都顺番晒！唔单止女生唱先减压，男生唱一样得，扮Twins扭动蛇腰，扮下女仔声唱歌，笑下又一晚都几过瘾㗎！
可能系你会觉得“𪠳！玩完又点啫，第二日返工咪又系做奴隶！”，虽然你暂时改变唔到个环境，但都要揾个方法俾自己回气再挨过㗎嘛！