汤宝如开骚未能合体唱《美少女战士》：Vivian话揾一个好timing

入行已经25年的歌手汤宝如（汤记），近年应TVB邀请，与薛家燕（家燕姐）、黎小田及曹永廉合作主持节目《流行经典50年》，虽然有时会在节目献声，但似乎未能为她止“歌瘾”。继早前自资推出了新歌《独爱》后，最近更宣布将在11月15日于九展举行《汤宝如独爱音乐25周年演唱会香港站》。说到底观众随了想回忆她的昔日经典外，更想知道当日会否可以在现场重温汤记与王馨平仲有周慧敏的《美少女战士》，但汤宝如回应：“学Vivian（周慧敏）话斋啦，‘揾一个好嘅timing啦’！”

最近宣布将在11月举行演唱会的汤宝如，早前接受《香港01》电话访问时表示，为了今次开骚而大感头痛：“今次开演唱会邀请嘉宾上都唔会太头痛，其实好多朋友都OK。身型问题方面，我最近有减食，不过依家都几好，重量开始下跌，到时大家会见到我‘排骨’咁样出嚟嫁啦。相反我依家要练番好耐一啲啲摆低好耐嘅歌，所以我要好勤力去练歌。仲有跳舞方面都要练，虽然今次（演唱会）唔系话太多舞，但都想有啲嘢畀人睇到，虽然呢几方面比较头痛，但系我都好enjoy。”

汤记曾推出多首经典，包括：《相思风雨中》、《活著就是等待》、《绝对是个梦》、《缘份的天空》及《感冒》等，问到会否请歌神张学友到场与她合唱《相思风雨中》，她紧张谓：“学友紧系好想请啦，但系佢走紧tour真系未必可以应承我。不过如果讲宝丽金年代嘅歌手，一定会有黎瑞恩，佢点都走甩。五年前嘅佢，为咗我重出江湖到依家，我觉得佢一个令我好深刻嘅人。至于你话其他嘅，大家就到时嚟睇下啦，如果讲得太多就无神秘感，我想讲今次请嚟嘅嘉宾反而唔会有咁多宝丽金年代嘅歌手，而且系大家估唔到嘅人。”

至于谈到最近汤记在主持节目《流行经典50年》时，经常与另一主持人曹永廉搞笑斗嘴，问到会唔会揾曾是歌手的阿廉一齐上台玩，汤记抵死回应：“曹永廉？！哗！叫佢拍戏吧啦！哈哈哈！佢依家主力拍戏，又放低咗唱歌咁耐，唔知佢个心态系点。不过循例都会问一声，得就得唔得就算啦！大家见到就见啦！”