开骚提许冠杰86年患高山症拍戏 谭咏麟哽咽赞：佢系代表香港人

一连12场的《阿SAM&阿TAM HAPPY TOGETHER演唱会》昨晚头场，许冠杰和谭咏麟半世纪首次合作开演唱会，当然一票难求。阿Sam与阿伦都非常识做，先后四次到台下与观众握手，虽然阿伦不慎拉伤手，但无损他唱歌的心情，Encore唱到11:59超时完场，就连特首林郑月娥都睇到最后一首歌才离去。
摄影：梁碧玲

今次演唱会充满心思，二人唱出陈百强的《一生何求》和张国荣的《有谁共鸣》，向两位已故乐坛传奇人物致敬。两人谈及开演唱会的原因，阿Sam表示：“恨咗好耐，希望广东歌继续传落去！”阿伦就话：“阿Sam无论喺音乐方面、生命方面、任何方面，佢其实系一个领袖！”接著在台下寻找许冠文，并对他说：“呢件事冇人会知，1986年阿Sam去拍戏，曾经好意外地得到高山症，𠮶一年年中有个新艺城嘅日本作品展，我同Michael都有去，我哋喺台下睇住阿Sam上台讲嘢，当时阿Sam状态未复原，讲完后，Michael同我...”

说到这里阿伦已经哽咽说不下去，经阿Sam安抚后续道：“Michael同我两个人，系两行眼泪，唔系因为Sam系我偶像，系我觉得，阿Sam系代表我哋香港人！当时我拍一拍Michael膊头同佢讲，阿Sam将来一定得！结果冇耐阿Sam就出返嚟开演唱会！”说毕掌声四起，阿伦更对阿Sam说：“你系我哋嘅榜样，你唔衰得㗎嘛，系咪？”眼见阿伦真情流露，阿Sam回应：“冇衰到！哗，你年纪越大感情越丰富㖞！”全场又笑起来！

演唱会除了怀欣和怀谷做表演嘉宾外，更邀得已故武打巨星李小龙的女儿李香凝合唱两首歌曲，短短两曲足已显出李香凝唱功了得，她又将《Somewhere out there》献给亡父。

头场演唱会就唱到超时，事后阿伦及阿Sam接受记者访问时表示，接著的演出会短一些尽量不超时，而头场“罚就罚梗㗎喇！”今次演出阿伦有数次甩嘴“虾碌”，佢就解释：“梗有啲啦！现场人声实在太嘈，音乐有啲都听唔到。希望嚟紧几场状态更好啦！”

演唱会内容超丰富，睇图慢慢讲你听！(梁碧玲摄)