乐会经典情歌融化乐迷 华纳三宝同台成焦点

华纳唱片动员12个歌手乐队单位参与《Katch Our Life WARNER! GO!》将于2月15日举行，Dear Jane、陈蕾、洪嘉豪、MC张天赋、Gareth.T汤令山、Gigi张蔓姿、Kiri T、moon tang、Zpecial、Lewsz、Nancy Kwai归绰峣、Gordon Flanders 施展浑身解数，势要炸裂亚博舞台！而网上不少乐迷“猜测”歌单，华纳三宝同台呼声最令人期待。

虽然音乐会余下个多月时间，但期间横夸农历新年，众人“度期”彩排甚有难度，洪嘉豪笑言新春期间将联同华纳仝人“洗劫”Dear Jane 主音Tim及低音吉他Jackal : “因为结咗婚嘅同事唔系好多个，仲要阿Jackal哥新婚，一定要比佢感受‘派利是’𠮶种喜悦”

与洪嘉豪老友鬼鬼嘅陈蕾就话想“闭关”，练歌之余亦为来年揾灵感：“因为过去一年都好忙，冇咩时间可以喺屋企静吓，可以把握机会喺屋企写歌找数，又可以静吓谂吓未来嘅方向！今次呢个骚好多Medley要唱，记极多嘅歌词之余，仲要好多舞台嘅走位，随时难度高过自己嘅演唱会。”

早前众人齐集公司玩游戏，要画出歌手心中嘅型像，洪嘉豪抽中画师妹moon tang，他笑言“三秒钟”画完，事关对方“太细粒”轻易完成！Gigi张蔓姿就将陈蕾变成“士多啤梨”眼，仲话对方台上永远都系发光。众人画功都好“独特”，唯独Nice@Dear Jane画Zpecial成员炜贤最神似，将对方肌肉表露无遗！

MC张天赋就话为咗呢个骚唔敢松懈，扬言戒油过农历新年：“因为平时过年好多油炸嘢食，但系呢个骚同新年太近，我怕食太多会影响声带，所以今年就‘清清地’过年。（呢次骚最特别边部份？）自己个部分梗系唔讲啦，听闻所有女歌手会跳舞，Dear Jane 同Zpecial仲会Cross Over！（三宝同台？）大家幻想吓啦，到时咪知啰。”

Dear Jane主音Tim就话同班兄弟“日日见”，过年期间想“抖一抖”：“其实除咗Dear Jane啲成员之外，其他歌手同事都因为School Tour日日见，所以过年不如陪吓老婆同仔女啦！今次呢个骚好多新嘅‘组合’出现，到底边个会夹边个都仲未知，不过我地Dear Jane夹咩人都得，到时有音乐自然好High！”

VISA x MTR present《KATCH OUR LIFE WARNER! GO!》
日期：2025年2月15日（星期六）
时间：晚上8时15分
地点：亚洲国际博览馆 Arena
演出单位：Dear Jane、陈蕾、洪嘉豪、MC张天赋、Gareth.T汤令山、Gigi张蔓姿、Kiri T、moon tang、Zpecial、Lewsz、Nancy Kwai归绰峣、Gordon Flanders

【独家优先换领日期及时间】PayKool Visa Platinum卡 12月23日早上10时
【公开换领日期及时间】Katch Plus 会员 12月23日下午2时 | Katch 会员 12月23日下午6时
【换领平台】只限Katch网站( https://online-ticketing.katch.com.hk/kol/warnergo ) *KatchApp将不开放换领

【换领详情】
1.⁠ ⁠以12,500会籍Katch Point(价值HK$1,250)换领 — ZONE A/B门票乙张 (门票位置随机，已包括HK$70票务手续费)
2.⁠ ⁠以9,500会籍Katch Point(价值HK$950)换领 — ZONE C/D 门票乙张 (门票位置随机，已包括HK$70票务手续费)
【换领数量】每位会员最多换领8张门票
【换领成功后】门票于活动举办前大约一星期前，以顺丰到付寄到换领时填写的顺丰编号（只限香港顺丰站或顺丰智能柜）