ERROR开骚丧自嘲　193指大限将至：少咗X街少咗人气

ERROR演唱会《ERROR WHAT’S GOING WRONG??》今晚（25日）在会展开锣，吴君如、樊沛珈、娟姐都有捧场，但未见保锜绯闻女友菊梓乔。4子献唱《无敌战衣》揭开序幕，随即以《野舞士》炒热全场气氛。

ERROR指两年前开九展时，4场一票难求，如今会展一场，他们甚至要落区做宣传。之后又举行“即刻乐坛同人讲颁奖典礼”，并由193扮“心理大哥”颁发“至尊唱作全能组合”给ERROR，肥仔扮喊表示：“如果唔系自己颁畀自己，呢世都攞唔到”，众人之后又拿193颁奖礼黑面、保锜讲日文事件来取笑。193又谓：“虽然我哋自称宇宙天团，但系咪咁宇宙呢？”

193向ERROR 4子黑白相鞠躬，又指大限将至，指“睇人X街最开心”，话haters睇到“法拉利撞阿婆”最开心，并指与保锜的默契守护了ERROR，但“少咗X街”同样地少了人气。