陈慧娴第三晚兴奋跳到甩打底裤 好友克勤自言已有家室唔敢帮手救

陈慧娴40周年演唱会，来到第三场，邀请了好朋友李克勤任嘉宾，慧娴台上跳到甩裤，叫克勤帮手搞，又吩咐克勤，唔好咁辛苦为儿子赚钱，等佢地白手兴家！

休息一日之后，慧娴再返红馆，依旧状态大勇，气氛比前两晚更热烈，整晚都全场大合唱歌声震馆，令她十分开心，不知是否观众反应热烈，慧娴亦被带动忘我，跳舞环节兴奋跳到甩裤，当她与克勤完成《跳舞街》之后，立即大叫:“克勤呀！我唔知系咪瘦咗呀...我条裤甩左落嚟，我入面个条打底裤呀.....你帮我搞搞得唔得....”李克勤就尴尴尬尬笑住话，“我有家室㗎啦㖞....”慧娴:“唔紧要啦，当睇唔到啦今晚....”克勤:“揾个女 dancer过嚟啦，过年流流....”引得观众大笑。

两个由20岁就相识的好朋友，从宝丽金年代已经同一间唱片公司，兜兜转转又再于新公司英皇娱乐中做回同事，慧娴表示，“佢系李克勤！佢藉得启德个馆咁大掌声呀！”克勤笑道，“咁客气呀，识咗几十年...”“ 就系识咗几十年，我哋好少系台讲真心话，通常真心话都系我哋系电话讲，佢真系一个天才嚟㗎！我做咩都问佢意见，今次演唱会佢都特登第一场就嚟睇，又俾咗好多意见我，好多我谂唔到嘅嘢，佢都谂到。咁多年，我做咩节目，接咩工作，佢都俾好多意见我，我乜都问佢，不过近半年我见你不停咁巡回演出，飞去呢度飞去个度，我都唔敢打咁多电话俾你，有时见到都觉得有啲心痛，做咩咁辛苦啊？”克勤回话，“哗，我有少少眼眨泪光添，我家庭负担重嘛。”慧娴就训话，“你唔好咁辛苦！等佢哋好似你咁白手兴家！自己赚钱！”观众即掌声雷动，克勤笑道，“我都要洗㗎，男人需要安全感嘛，我咪努力揾钱啰。”慧娴:“系啦，你重系一个细路，你重要砌𠮶啲咩go嘛。第日我冇得食，唔该你救济下我啦，as my best friend ，我知你一定会，我依家落去换衫，你同我唱半个钟啦。”

克勤独唱时谓自己为了这个好朋友，第一晚刻意就来捧场，“我都未试过做人嘉宾要跳舞嘅，诚意十足㗎啦，睇咗一次先，有定心理准备。今晚拣左一首慧娴冇系演唱会拣嘅歌比大家，如果大家钟意，一阵热烈啲一齐唱。接著唱出慧娴的经典名曲: 《去吧》行走cd果然名不嘘传，令观众听出耳油，热血沸腾。