专访｜陈苇璇爆女团平均收入得3千 自资六位数出新歌：系好烧钱
独立歌手陈苇璇今年入行第10周年，她最近推出全新派台作品《WAKE》，并且接受《香港01》 专访宣传：“呢首歌系觉醒嘅意思亦都系想表达勇敢展现自己嘅中心思想，我上一年离开旧公司之后都谂紧咩音乐风格更适合自己，我最钟意嘅舞台就系欧美风格。”她继续指新歌歌词别具意义，并表示：“好多时候以前嘅歌都系公司同埋前辈畀意见我，我就一路喺𠮶个时期学习同埋吸收，我之前嘅创作系比较少，两年前的经营自己嘅YouTube Channel，同好多唔同嘅人合作，自己负责剪片，原来我自己都可以创作多啲自己嘅音乐，应该要畀多啲信心自己。”
陈苇璇新歌MV比坚尼登场劲性感
陈苇璇透露新歌《WAKE》MV自己有份剪辑，并分享：“我连续剪咗三日左右，每日都剪咗超过六个钟，我剪完之后每一part都会问团队嘅合作伙伴剪成点。”讲到她在MV登场的多套服装，她表示：“有一件红色嘅比坚尼，其实本身唔系比坚尼，只不过系一件衫，将佢剪接再裁缝过变成一个红色嘅比坚尼，所以要多谢服装师。”
被问到比坚尼的尺度是否太性感，她表示：“我觉得系靓嘅，性感唔性感嘅界线对好多人嚟讲都唔一样，我觉得展现健康，29岁呢一个年纪系好自信嘅状态。”提到较早前发文曾经谈论有关网民通常“like泳衣照”，她回应：“我觉得靓嘅嘢无妨展现出嚟，唔应该将框框框住自己，最紧要自己自信舒服，作品系有美感嘅。”
陈苇璇拒谈前唱片公司环球合约
被问到推出新歌是否自资推出，陈苇璇表示：“我而家系独立歌手，都花费咗六位数字，当中包括录音同埋MV嘅拍摄。”谈及为什么会离开前公司环球，她说：“呢个就唔方便讲啦！（当时签约两年？）合约嘅嘢都唔方便讲，尊重返大家系好啲嘅。”当时签约环球唱片推出《一个傻瓜一个哑》获得多个电台冠军榜，她表示：“𠮶个时期我学到好多关于慢歌嘅技巧，𠮶阵时我都几惊唱慢歌，当时同舒文合作，佢教咗我好多唱歌技巧，我总共录咗14个章节，𠮶阵时磨练咗新嘅技能就系唱慢歌都OK。”
谈及当时歌曲备受肯定是否望开演唱会，陈苇璇表示：“其实我一直都想开骚，当送俾自己嘅礼物。但确实嘅实行进度就未谂，我今年净系想出EP，陆续做紧歌曲，MV又要自己拍自己剪，所以要处理好多嘢，EP大概想出五首歌。”
陈苇璇自认做独立歌手好烧金钱
讲到入行10年最深刻的阶段，陈苇璇表示：“一定系近期，用咁多心机时间体力同埋金钱去完成新歌呢一个作品，虽然创作歌曲同埋拍MV都有好多人帮助，不过我要专注好多嘅嘢，呢首歌系10年以来最满意嘅作品。”被问到低潮的阶段，她说：“低潮一定有嘅，每日都觉得好攰嘅状态，好多嘢要处理，好多方面嘅嘢都要去谂，做音乐会有满足感。”讲到“做独立歌手系赚唔到钱”，她坦言：“做独立歌手系好烧金钱嘅一件事，要投资好多嘢落去拍MV，希望今年可以做到一个平衡。”
陈苇璇指当年加入As One两年总共只得四万蚊收入
提到初入行加入女子歌唱组合As One的阶段，每个月收入平均只得三千元，陈苇璇说：“我初入行做女团时期，头两年净系得四万蚊嘅支票，第一张支票就系四万蚊收入。”她透露当初是参加商台的女团选拔而获得赏识加入As One，讲到当时期收入是否一早预料之内，她表示：“当时唔知道，纯粹系一个追梦嘅心态好想成为歌手。”至于是否需要向家人借钱作生活使费，她说：“我又从来冇问过屋企借钱或者要零用钱，我中学嘅时期已经非常之悭，我嘅赚钱方法就系参加唔同嘅歌唱比赛，都会有奖金，将啲奖金储埋当做使费用。”
讲到有否经历过挨饿阶段，陈苇璇说：“好少俾自己挨饿，因为我自己识煮饭，煮饭都几好食，唔使用好多钱，几十蚊都可以煮到一餐几好嘅，一日三餐都OK。”她透露从小就会与家人去买𩠌煮饭，并表示：“屋企人从小培养我就要好节俭，理财技巧同埋点样去买𩠌平啲。”
自爆有挣扎参加《全民造星III》
提到As one后解散后是否有挣扎过再参加《全民造星III》，她坦言：“我有挣扎过，我系好想捉紧机会嘅一个人，我𠮶阵有问当时嘅公司可唔可以畀我去报名？佢哋就话个报名名额就full咗，但𠮶日系last day嘅interview我就即刻联络帮佢哋节目比赛跳舞嘅dancer朋友，睇有冇认识人嘅电话去报名参加，佢哋好快回复我有位，我就好顺利成为最后一位参赛者。”被问到当时参加《全民造星III》时已经有知名度，是否对于参赛有压力，她表示：“其实我冇乜压力，我自己都系一个好钟意比赛嘅人，有舞台表演嘅机会好难得，有舞台嘅地方我都会有兴奋嘅心情。”
她忆述当时比赛夺得亚军的心情：“系呀！我𠮶阵嘅助手影低我，我个样都几surprised！电视播出嘅画面可以睇到票数，但其实我哋喺后台咩都睇唔到，净系记得完成咗自己嘅表演，所以完全唔知道出边嘅票数。”她指制作音乐并非只追求奖项。
否认搬豪宅透露住村屋二万蚊单位
提到最近新居入伙，陈苇璇笑言：“我年年都新居入伙，因为我年年都搬屋。”至于为什么会搬去新单位，她表示：“我每年都会睇屋，拣呢个单位之前我都睇咗10几间屋，因为想同男朋友一齐住，所以单位会比以前大啲，希望有多啲环境俾我创作。”被问到是否属于豪宅单位，她说：“都系村屋单位，因为我拍影片一开头都有介绍，我一直都好想试住喺村屋，我好多嘅Artist朋友都有养宠物，或者钟意郊区嘅地方谂嘢比较舒服，所以我都成日参观佢哋嘅村屋。”
她继续指每年需要付月租两万元左右。被问到自己是否有置业，她表示：“当初我自己储钱，我冇股票投资。我成日储到钱就会交畀阿妈做佢嘅投资，佢又帮我去申请基金，但我唔系好识，我有粮出就会话畀佢听。”她预告今年五月会演出音乐剧。被问到今年是否有计划结婚，她说：“结婚就冇啦！（30岁之前要结婚？）我谂呢啲思想唔会系而家年代嘅人会去谂嘅嘢。”