专访｜XiX巧妙回答新成员加入　杨秉颐有追求者：Eric Sir畀拍拖

由音乐人郭伟亮（Eric Kwok）打造的新进女子组合“XiX”四位成员梁善知（Crystal）、杨秉颐（Caitlin）、缪昀希（Charlotte）及邓晓殷（Kiele）最近接受《香港01》 专访宣传首支慢歌《A0.5》，Charlotte表示：“今次我哋推出咗第一首慢歌，就系A0.5，就系介乎A0与A1之间，就系暗恋对异性有好感，见证咗我哋嘅成长，而家开始讲我哋钟意男仔。”她分享今次录制慢歌酝酿情绪非常困难，并表示：“我冇乜嘢恋爱暗恋人嘅经验，我净系可以谂吓自己嘅偶像，谂住佢个样幻想同佢食嘢睇戏。”

Caitlin自爆有男同学追求图书馆表白

Caitlin则分享主要负责歌曲英文的部份，她说：“我哋收到Demo嘅时候系未有旋律同埋歌词，Crystal就作咗好听嘅Rap，我就作咗一啲英文，呢一次系我第一次创作嘅经验。呢首歌我10月开始创作，原本有五个版本，但最后就拣咗两个版本畀Eric Kwok去拣。”她继续指歌曲主要表达暗恋男仔，以及分享最纯真的一面。

Caitlin透露上年从圣保罗男女中学转读国际学校，现阶段已经适应与新同学相处。被问到是否有男同学追求，她直言：“有嘅，有次放小息嘅时候有个男仔叫咗我去图书馆就同我告白，我觉得国际学校比较主动啲，本地学校唔系咁多人告白，通常啲人都系写情书或者DM你，今次仲要送花同埋朱古力好直接。”她忆述在图书馆的情节，并表示：“男仔就企起身，突然同我讲好钟意我，我话要俾啲时间我谂吓，就静咗10分钟唔讲唔笑，图书馆就好安静，好尴尬，我同佢讲返而家个阶段唔想拍拖。”至于经理人Eric Sir是否批准拍拖，她笑言：“佢话俾呀！不过一定要同佢讲，不过佢话如果我哋拍拖，唱歌就会多啲感情，可以谂返啲经历去唱以前唱唔到嘅感受。”

Kiele自揭患惊恐症最新病况

Kiele指现阶段正处于美国升读大学，她表示：“我可以free啲成日做自己嘅嘢，冇咁多压力，不过考试就真系好多嘢要做，三日冇瞓觉成日要温书。”她透露新认识的朋友都是韩国人为主，并且一起住宿共同体验生活。讲到感情生活，她表示：“我妈咪觉得有个男仔（韩国人）想同我拍拖，因为有一次我食咗花生过敏要去医院，个男仔喺凌晨五点带我去医院同埋等我三个钟，但系我就同妈咪讲佢系我哥哥就系兄弟情。”她强调现时去读书会管理日常生活使费，并不会像以前一样热爱花钱。

被问到现阶段惊恐症的病情是否有所改善，她坦言：“情绪都系有问题，呢啲嘢冇可能一日就冇事，但我觉得好咗啲，但系我都系成日唔瞓觉喺度温书，同埋喺度喊。”至于是否担心家人身处于异地，会选择报喜不报忧，她直言：“我都同佢哋讲咗，佢哋支持我已经好足够。”她透露今次录制新歌是在美国所读的学校宿舍录制，并表示：“我买咗一个好靓嘅咪，透过视像可以同步一齐录音，所以对工作嚟讲都唔系好大影响。”

XiX巧妙回答新成员加入

XiX参加无线歌唱选秀节目《声梦JUNIOR》结缘而组成，之后有两位成员退团，分别是刘芷君（Aster）退团单飞和庄殷玥（Vici）被经理人郭伟亮（Eric Kwok）“踢走”，对于Eric Kwok曾经透露未来有可能会有新成员加入的可能性，被问到现阶段是否会有新成员加入，XiX异口同声表示：“呢样嘢就唔知，可以睇吓Eric Sir点睇，睇命运嘅安排。”