叱咤2024︱冯允谦输俾Ian连失三奖　网民轰不公：唔跟播放率早讲

《叱咤乐坛流行榜颁奖典礼2024》昨晚（1月1日）于亚博举行，事前听众已统计过全年播放率，冯允谦（Jay Fung）以485遥遥领先，排第二的陈卓贤（Ian）播放率则为412，Jay Fung攞“至尊歌”及“男金”理应实食冇黐牙。虽然他最终亦众望所归获得“至尊歌曲”奖，但后来司仪森美却宣布“唱作人金奖”、“男歌手金奖”都是陈卓贤（Ian），而Jay Fung两个奖都是银奖，就连在之后的至尊大碟奖，其专辑《EMO》也输了给陈卓贤的《Interlude》，大量网民替他不值，洗版为他抱不平，认为Jay Fung被打劫。

网民在讨论区及社交平台出Post，他们觉得Ian不是不好，今年亦有很多好作品，但计数据Jay Fung确实是胜过Ian。他们留言：“叱咤逼害冯允谦！”、“今年男歌手算唔算叱咤史上最夸张嘅一次调奖？”、“造马造到傻”、“到底Jay Fung得罪商台啲咩？唔跟播放率派，你早讲啦！”、“已经唔知第几年睇Jay Fung拎银”。

由于Ian攞奖时多谢好友兼大前辈张敬轩，表示：“2022年嘅时候，张生拎咗男歌手金奖，应该冇记错，然之后佢有一晚佢就打俾我，佢话‘有啲嘢要俾你’，我话吓有咩要俾我？跟住佢俾咗个佢𠮶年攞个男歌手金奖俾我，佢就同我讲‘你摆喺屋企，我相信有一年你可以攞到男歌手金奖，攞到就俾返呢个奖俾我’，我今晚返去就即刻攞返俾你。”

加上他攞奖时镜头特地影去头号粉丝文化体育及旅游局局长罗淑佩，有网民甚至说：“Ian有罗淑佩同张敬轩两个强劲后台帮佢抢奖，JF应该唔会有运行。”就连Ian Fans Hellosss都觉得商台做法连累Ian被闹，指他得奖时，镜头特地影去罗淑佩，使他“就算真系凭实力攞都会被群嘲……搞到人哋好似攞到任何成果都系靠无啦啦有个做官嘅fans”。

虽然Jay Fung一向都很谦虚，对奖项亦不算有野心，但由于颁奖礼前他呼声甚高，他邀请了家人从海外飞返香港观赛，网民就说：“想像唔到佢会几咁失望，佢仲特登揾咗妈妈飞返嚟睇佢，点解要咁对个咁好咁努力嘅人？”寰亚旗下社交平台“横间道”亦直击Jay Fung返后台一刻，虽然他口讲：“好感恩！”但网民就表示睇得出他明显不开心，替他感到可惜。