叱咤2024丨陈卓贤还奖“约定”今晚见　张敬轩冧笑“来来来”

MIRROR成员陈卓贤（Ian）今年在 《2024年度叱咤乐坛流行榜颁奖典礼》大丰收，连夺夺男歌手金奖及创作人金奖，一身西装骨骨的Ian拿着两奖一脸凝重：“好耐冇试过心跳咁快，依家脑海一片空白，两个奖份量好重。”

Ian逐一多谢公司、MIRROR兄弟，以及去年合作过的音乐人，当中特别多谢张敬轩，他说：“关于呢个男歌手奖系有个故事，刚才都有好多歌手朋友提起一个名，张敬轩先生。咁点解呢个男歌手奖会有一个故事，2022年嘅时候，张生拎咗男歌手金奖，应该冇记错，然之后佢有一晚佢就打俾我，佢话‘有啲嘢要俾你’，我吓有咩要俾我？跟住佢俾咗个佢𠮶年攞个男歌手金奖俾我，佢就同我讲‘你摆喺屋企，我相信有一年你可以攞到男歌手金奖，攞到就俾返呢个奖俾我’，我今晚返去就即刻攞返俾你。”

台下的张敬轩目不转睛、双手紧握望住台上的Ian，隔空connect，一边笑一边拍手，听到“攞到就俾返呢个奖俾我”特别兴奋，两手挥动示意“来来来”，未知今晚的“约定”会否开直播跟粉丝一齐分享。