Twins 世界巡回演唱会完美结束 钟欣潼高呼要放假好好休息

Twins今年年头开始《Twins Spirit 世界巡回演唱会》，巡足一整年，圣诞於伦敦OVO Arena Wembley 演出完满成功结束，日前又从伦敦飞到新加坡做了两场，所到之处都非常受欢迎。

英国的骚，Wyman、JW 也有去捧场，气氛超级热烈，两人本想同美国一样绕场握手，但因为歌迷太疯狂关系，只得在台前握手，去不了后方，而Wyman亦拍下骚后感，大赞Twins演出精彩，“ 有生之年都冇谂过，可以听到呢首歌《你最红》live 呀大佬！”此外又公开收到阿Sa特地带来的厚礼，非常开心。

而新加坡站不单是Twins出道至今的第100及101场演唱会，并且是《Twins Spirit 》这个骚的最终场，舞台上跟歌迷暂别，歌迷台下大哭，两人也被感动得眼眨泪光，庆功时阿Sa跟一班Dancer拥抱，又再忍不住落下不舍眼泪。

回想这一年来的努力，阿Sa(蔡卓妍)谓走过世界各地，并且完成第一次伦敦开骚的梦想，是一件非常开心的事，由香港站开始，真的从来没想到可以走足一整年 : “每一站都有难以忘记美好回忆， 其中应付‘时差’对我来讲最难忘。美加巡回不停去完东岸又去西岸， 连续21日，返香港一个礼拜又去伦敦， 喺伦敦过埋圣诞又直接去星加坡，觉得自己啲体能都真系算系咁。”

谈到英国之旅，阿Sa完骚后，有留下放一个短假，与妈咪、容祖儿、黄伟文等好朋友一起过圣诞，“英国之旅好开心呀，因为第一次同妈咪喺外国过圣诞 ，好多朋友都过埋嚟一齐玩，见到阿Y(Wyman)同君如姐啦, 阿祖啦, 马天佑啦, 仲有我一啲移咗民去英国旧同学, 呢个咁难得嘅圣诞party，我哋都筹备咗一阵，大家齐心协力先可以达成，真系好难忘好好玩好耐冇过过一个咁多人咁开心嘅圣诞节。”

新加坡庆功上，Sa坦言走到最后一站有点不舍，“每个演唱会都会有结束嘅时候嘅，当然会唔舍得，喺个台上面见到有好多歌迷都喊，搞到我都忍唔住。 当你企喺个台上面，见到台下面嘅观众好投入咁跟住你唱歌，对住你好开心咁笑，好留心咁听你讲每一句说话，系真系好感动。我会永远都记得呢啲画面。庆功时啲dancer唔舍得，一个二个喺度喊，所以又搞到我忍唔住，一开咗个掣就好难停㗎啦，哈哈。我成晚好耐都平复唔到心情，瞓咗冇一个钟就要起身执行李出机场。”

回港后，Sa表示要集中火力做电影宣传， 电影农历年上，我都好期待。因为成套戏啲演员都好好笑，好期待谢票嘅时候同佢哋一齐玩一齐吹水。 一定笑死我。今年系超级无敌忙碌嘅一年，都真系有啲攰，我谂下年真系要放慢少少脚步，唔可以走太快。长命功夫长命做吖嘛！”

至于阿娇 (钟欣潼) 就表示巡足一整年非常难忘，“我同阿Sa都经常系台上面讲，我哋每一次演唱会，都会当系最后一次，今次都唔例外，无人知日后几时再开，我真系要好好放一个假，已经同公司伸请了，我要好好休息，养足精神。美加及伦敦如梦如幻，要敌过时差，但又实现了伦敦OVO Arena Wembley 开演唱会的梦想，非常多谢歌迷，这次巡演的一路相伴，佢哋做左好多应援，有忠粉Twins先行到咁远。同埋第一次系英国过圣诞，好有气氛，都难忘，我买左好多圣诞装饰返屋企装饰自己个圣诞树。”