刘德华呼吁“老婆”睇《焚城》：电影睇咗未？点都要追到破纪录
撰文： 林得懿
出版：更新：
刘德华一连廿场的跨年个唱《今天…is the Day刘德华巡回演唱会2024 》正式开锣，全晚又唱又跳3小时，状态大勇之余，撩妹金句亦频亦出现。
个唱一开始，华仔问大家食咗饭未，并话自己秀色可餐；问大家爱几耐时，全场大叫“爱你一万年”后，华仔即表示“你哋以后可以叫我老公”又话“多谢所有老婆”，随即唱出《一起走过的日子》；唱完《你是我的女人》后，华仔向观众介绍女乐手，并爆出一句“你是我的女人”又对台下观众表示“如果无人要手，揾我”。
唱到第四部分时，华仔问大家准备玩到几点，又话“大家都带咗pillow 嚟？准备同我pillow talk。不过我今晚返去排吓更表 ，咁多个老婆都唔知点算。”唱《情深的一句》时，华仔对住当年嘅《烈火战车》女主角梁咏琪情深表示“我爱你”，回忆杀涌现。歌唱尾声，刘德华表示返到屋企开演唱会有啲紧张，但系都多谢咁多位观众，亦趁机会帮主演电影《焚城》谷一谷票房，他说：“我下年再开睇唔睇 ？电影睇咗未？我点都要追到破纪录！仲争7千（万）虽然痴心妄想，但有你哋我唔怕。”