陈健安第四张个人专辑唱片包装设计有心思　学习拒绝不再取悦世界

陈健安（安仔）今日推出第四张个人专辑“PROJECT：REJECT”，以“拒绝”为主题。他坦言作为艺人和家中𡥧仔，自小习惯跟著前人步伐，不懂得说“不”，渐渐失去自我，近年学习诚实地面对自己的喜恶，跟别人坦白感受。今次的唱片包装设计亦非常有心思，用撕开方式打开才可取得CD，寓意打破既有框框。

安仔坦言以前很想取悦世界，直至近年他自己做音乐和生活，跟别人合作得多，体会坦白的好处：“今次嘅课题系点样面对‘唔啱听’或者‘反对’嘅声音，学习拒绝。以前我都系𠮶种唔容易开口say NO嘅人，慢慢唔知道自己嘅喜恶，直至近年，工作或做人开始识得去选择，亦学识话俾身边嘅人知道，我其实唔喜欢乜嘢。对自己又好，对身边人又好，都系好重要嘅坦白，系成长嘅阶段。”

安仔表示要多谢容祖儿，由于早前在网络上看到一段容祖儿讲“唔可以”的片段而启发了自己：“要好多勇气，呢件事埋咗喺我心内面。我觉得做艺人唔容易say NO，好似所有事都‘好，无问题’、‘我做到嘅’，但事实上唔系，慢慢会无咗自己。于是我从《唔明你讲乜》开始，决定全张专辑嘅主题：如何好好地say No？如何坦白地做自己？”

今次安仔再度与造型师Herman合作，他将歌曲的精髓加入服饰，有鸳鸯鞋、药水胶布手袖和贴满封箱胶纸的裤等。安仔说：“好多部份都系Herman创作和人手造，独一无二。我著晒六首歌上身，《唔明你讲乜》、《恋爱脑之死》、《我很不爱你》、《心里尚有象牙白》、《当我们返回现世》和《我违和但我不纠正》，我唔会讲边度代表边首歌，大家感受吓啦！”

此外，安仔还邀请了插画师Pen So参与，将六首歌曲的元素透过插画渗透于专辑内，安仔说：“刚才听Pen So讲解，佢用心嘅程度实在令我太惊喜。”创作总监Oscar与安仔合作无间，安仔扬言：“Oscar对我say No多啲，有时我对一首歌有好多唔同嘅谂法，佢会帮我筛选，No呢个No𠮶个，剩低最适合嘅。而我从来都无改过佢嘅歌词，佢好明白我嘅谂法，合作愉快！”