Sica个唱票价被指太贵但仍销情理想　坦言曾担心入座率怕公司失望

撰文： 邓颖琪
出版：更新：

参加《全民造星IV》入行的何洛瑶（Sica），在麦花臣场馆举行首个个人演唱会《The Wonder of sica 屎卡の奇幻旅程》，完骚后她接受访问，表示会畀自己7分，说一落台就已经开始检讨不足，觉得好多地方可以进步和投入，虽然她已经超投入，但仍觉得可以更好。之后她又大赞自己的宇宙级乐队：“J Kui我上年Clockenflap先睇紧佢，然后佢今日喺我隔篱同我一齐玩结他！”又表示能跟李一丁、Randy Chow表演好开心，加上my little airport的Selene帮她录VO，就更加开心！

何洛瑶（Sica），在麦花臣场馆举行首个个人演唱会《The Wonder of sica 屎卡の奇幻旅程》，完骚后她接受访问，表示最想饮酒和食水莲。（邓颖琪摄）
Sica很开心能找到宇宙级乐队，她说去年才在Clokckenflap台下睇J Kui弹结他，但今年居然能站在对方旁边一齐演出！（邓颖琪摄）

Sica说完骚后状态仍然好绷紧，被问最想吃什么，她竟说：“饮酒！”当讲到刚刚才被好友爆她饮醉酒“濑……”，她就极力否认：“好似喺我哋公司变咗个传闻话我濑，有啲幕后问：‘你真系濑？’我冇濑呀！我系‘上屙下呕’咋嘛，我唔讲喇，我想食水莲啰。”之后又话好想食印尼捞面。曾参加ViuTV《美丽40路》的Sica妈妈洪淑燕今日都有到场，衣著还有小性感，Sica就话未见到，讲起母亲在台下由头喊到尾，她忽然爆料：“佢哋系好感性，同埋我听闻我阿妈饮咗酒入嚟，我系咪又踢爆？AM Team话我阿妈一入嚟就同佢讲有少少醉。”

演唱会上播出Sica醉酒断片的片段，她否认自己有“濑”。（邓颖琪摄）
Sica今次要著露腰装，她说自己瘦了2、3公斤，不是刻意减肥，而是希望有足够体能、健康身体开演唱会，所以做运动。（邓颖琪摄）
Sica大爆母亲洪淑燕入场前饮完酒、醉醉哋。（邓颖琪摄）
有朋友送上印尼捞面花篮，Sica可以慢慢食！（邓颖琪摄）

早前演唱会门票开卖前，有网民指票价贵过天后级人马，但最终入座率理想，问Sica会否感到喜出望外，她坦言对入座人数会在意、有压力，最主要是因为惊人数不足会辜负公司和同事的期望，续说：“我系因为咁样有压力，唔系因为多人少人觉得开唔开心，因为无论点样我都系会出尽全力去表演，我不嬲唔理呢啲，所以都系照去。”

Sica表示确实曾对入座率有压力，但主因是怕公司和同事失望。（邓颖琪摄）

她承认有因为之前的报道失眠，但消化完都系要做，不如更加努力，乐观表示：“我唔会因为呢啲负面情绪而唔努力，系要更加努力唱好佢！如果我唔畀心机唱好佢，我一得闲就会谂啲唔开心嘅嘢，咁我不如努力啲练个show，咁咪唔记得，练吓练吓成个脑都系啲经文，日文、韩文，就乜都唔记得晒。”至于销情理想会否信心大增想开再开骚，Sica谓：“当然期望，无论大定细都期望，我真系好钟意度Rundown，好钟意喺台上面玩嘅过程，虽然觉得可以表现得好啲，但系返屋企先。”

Sica希望可以再开演唱会！（邓颖琪摄）