汪明荃演唱会首场以5种珠宝颜色华丽登场 陈慧琳、林家谦任嘉宾

一连两场“阿姐•汪明荃演唱会2024”首场已于昨晚（23日）于红磡体育馆圆满完成，陈百祥、黄杏秀、乐易玲、周慧敏、周美凤、王浩信、梁思浩、关寳慧、黄建东、陆浩明和钟柔美等均是座上客，表演嘉宾则分别为陈慧琳和林家谦。

全晚演唱会以不同颜色的珠宝划分出每一部分，寓意汪阿姐是演艺圈的瑰宝！在服装造型大师陈华国Kenneth精心打造，以及背景LED屏幕呈现美不胜收的画面衬托下，身穿一套比一套更华丽的服饰的汪阿姐于红馆舞台载歌载舞，赢得全场观众无间断的掌声。

汪阿姐首先以代表黄金的金色造型献唱《闪烁登场》和《迷人Pink Lady》揭开演唱会序幕，之后她说：“唔该晒我班Dancers，多谢你哋！欢迎大家嚟到我嘅演唱会，大家好！头先大家有无留意我今次演唱会嘅标志呀？有无睇到里面写咗啲乜嘢？”“系呀！有Diva啦，又有阿姐啦！几靓呀可？”“唔理系Diva又好，阿姐又好，对我嚟讲都只系一个称呼嚟嘅啫，因为我一直都只系做返我自己 - 汪明荃，Liza！我，就系要将最好嘅嘢送俾每一位观众，所以今晚希望大家都可以好开心咁去欣赏每一首歌，每一幕演出！送俾大家，《天虹》。”汪阿姐唱毕此曲后说：“其实喺我嘅歌曲之中，电视剧主题曲占咗好重要嘅位置，今晚当然会有好多首经典嘅主题曲送俾大家啦。送俾大家《金丝雀》。”汪阿姐最后以《秋风秋雨》结束了代表黄金的第一部分。

汪阿姐以一身宝石红展开演唱会的第二部分，她一口气唱了《银河》、《华丽转身》和《倾城之恋》，接着她说：“为咗今次演唱会，我都花咗好多心思，仲特登请人写咗首新歌做呢个演唱会嘅主题曲！我一向都爱才，好钟意同啲有才华嘅人合作，一来作品水准有保证，二来又可以喺佢哋身上偷吓师，学吓嘢，所以今次我就请咗Wyman黄伟文帮我写歌词，同埋一位已经出咗名好耐嘅音乐才子写呢首新歌，佢就系《Make my day》嘅作曲人，我今日嘅嘉宾 - 林家谦Terence，大家俾多啲掌声佢！”

林家谦在台上与汪阿姐倾计，汪阿姐说：“因为我之前未有机会认识你，今次我开演唱会系想同啲新人合作，我问咗好多人而家边个最Hit作曲？佢哋个个都推荐你，所以我就认识咗林家谦。”林家谦笑问“佢哋系咪整蛊妳？”汪阿姐答：“唔系，佢哋唔系整蛊，你写𠮶首歌系一首好歌，我睇你好似一个年纪好轻嘅人，你有30岁未？”家谦说：“有啦，不如我承认已过30。”汪阿姐追问是否31、32还是33，家谦笑说可以在维基上查看到，汪阿姐又问家谦那么年轻便作曲是受谁影响？家谦说：“系顾家𪸩，因为佢影响我好多，佢写嘅旋律同埋和弦，用埋一齐个效果系好高级同好优雅，大家未必可以即刻听得出，但系好顺耳，佢好多家传户晓嘅歌，大家都可以跟住唱，入边有好多Details，当你去演奏呢啲歌嘅时候，会发觉佢哋真系好深，呢啲系非常高级亦都系我最欣赏嘅地方，所以今晚特登拣咗一首𪸩哥写嘅歌同妳合唱。”汪阿姐说：“家谦好有心机特登做晒和音，令呢首歌好似变成另外一首歌咁，不如而家唱俾大家听，你哋一定估唔到系边首歌。”此时音乐便响起《用爱将心偷》的前奏，现场亦同时响起连串掌声。

两人唱毕《用爱将心偷》后，汪阿姐说：“多谢晒家谦，为我写咗首好开心嘅歌，又嚟做我嘉宾，不过佢仲有一件奇事，佢话好钟意听我嘅一首歌，但系我真系估唔到佢点解会钟意，我可以俾个贴士大家，呢首歌我头先唱过嘅！不如你自己讲吓系边首啦！”家谦接着便说：“我今日着衫配合阿姐妳，我着咗妳最钟意嘅热咖啡色。”汪阿姐回到后台后，家谦在台上说：“有啲朋友可能未认识我，我叫林家谦，今日就拣咗一只阿姐嘅歌去翻唱，呢只歌大家都应该会听过，不过我估未听过男仔唱，呢首歌我自己好钟意，因为好好听，同埋当我唔开心，心情麻麻哋𠮶阵，我听完呢首歌就会变返好开心，希望大家听完我唱都会好开心，送俾大家《迷人Pink Lady》”。

家谦唱完《迷人Pink Lady》后，汪阿姐已换了一套珍珠色配珍珠装饰的服装再度出现于台上，先后唱出《家变》、《四季情》，然后她说：“《家变》、《四季情》都系沾叔黄沾先生写嘅歌词，今年沾叔已经离开我哋二十年，但系今日睇返佢写嘅歌词，仍然觉得好有哲理，好看透人生！每次唱沾叔嘅作品，都有得着！所以沾叔永远都系香港嘅文化标志代表，亦都系每一代香港人嘅共同回忆。以下落嚟，继续为大家送上沾叔嘅作品。”汪阿姐唱出《轮流转》和《问我》，之后到家英哥出场，他先以一段栋笃笑和观众朋友见面，这段栋笃笑的内容不乏家英哥和汪阿姐的相处之道，最后家英哥更唱出他的首本名曲《Only You》，大施冧功！

第四部份以翡翠为主题，汪阿姐换了一套碧绿色的服装继续演出，先唱了以宋词为歌词内容的Medley，然后她说：“对艺术嘅追求，绝对系无分国界。无论古今中外，只要系好睇嘅，出色嘅，我都有兴趣去学习，去尝试，而我哋中国就有好多艺术作品，都值得我哋用心去欣赏，刚才几首词系出自宋代著名词人嘅手笔，希望大家都会钟意。仲要承蒙香港舞蹈团批准佢哋嘅舞蹈家 - 米涛参与舞蹈编排，特别多谢佢哋！而除咗诗词之外，中国仲有好多好出色嘅小说同戏曲，相信大家都记得，我以前喺电视演出过《杨门女将》嘅穆桂英，当时大家都好钟意呢个角色，不过我最近升咗Level，因为我想突破自己，所以我喺戏曲里面，做埋佘太君，睇吓迟啲有无机会试埋杨家将其他角色，到时再俾你哋睇吓！而家，我哋就先回味一吓。”唱毕《杨门女将》，汪阿姐说：“除咗优美同埋澎湃之外，我都预备咗有中国色彩嘅歌曲，仲有一啲轻松开心嘅小调，希望大家都听得开心。”阿姐之后唱出《春花万里香》加《采茶山歌》Medley，紧接的是《像白云像清风》，然后汪阿姐便以一句“她既是一位天后，也是一位女神”，邀请首场演唱会第二位嘉宾陈慧琳到台上。Kelly甫出场即赞：“阿姐，妳好靓呀！”汪阿姐回应说：“妳好型呀！”Kelly续说：“系咩，衬唔衬到妳？妳头先唱啲歌我全部都识唱，由细个同大家一样一齐听。”汪阿姐说：“我同Kelly都只系合作过一次，录过一只歌，系18年前嘅事。”Kelly说：“呢首歌叫《自由女神》，讲嘅系单身，18年前我同阿姐都系单身。”汪阿姐说：“不过而家兴单身，兴同居唔结婚。”Kelly说：“其实我哋结咗婚都好自由，唔一定单身先自由。”汪阿姐道：“不如我哋回味吓呢首单身歌，大家话好唔好呀？”之后她俩便唱出这首《自由女神》，唱毕此曲后，Kelly 说：“妳知唔知当日我哋合唱呢首歌𠮶阵，妳就系我而家呢个年纪， 阿姐先至系冻齢始祖。”汪阿姐说：“我而家又要去换衫，Kelly 妳就同大家讲吓妳嘅近况。”Kelly ：“好呀，我会帮妳搞掂个场，妳落去慢慢换。换得快嘅话，可以系台下面就算唔叹下午茶，都可以叹杯热咖啡先返上嚟。”“阿姐真系好 Fit 啊呵，又靓，永远都系走前人一步，其实我同阿姐都有10几年冇见，我只系喺电视机度成日见到佢，但系真人就好耐冇见，咁上两星期我除咗我去咗studio同阿姐彩排，阿姐一见到我就话我肥咗，我当时心谂，阿姐唔系个个人都好似你喺呢50几年，每一日都系喺最巅峰嘅状态，我都有失手嘅时候。”“跟住阿姐话嚟紧七月我喺红馆开演唱会，系咪到时先减？我答阿姐系呀系呀，到时我会减㗎啦！我以为自己要求高，sorry，阿姐系比我要求更高一个层次，明唔明呀？其实阿姐咁认真嘅态度，都系你哋钟意佢嘅原因，不如我今晚就唱呢首歌代你哋送俾阿姐，就系《对作太多在乎》。”

第五部份的主题为钻石，汪阿姐闪爆登场，头戴皇冠唱出《京华春梦》、《郎归晚》、《千王群英会》和《勇敢的中国人》，她演唱后说：“多谢大家咁多年嚟对我都咁支持，要送今晚最后一首歌俾大家。”此时音乐响起大家耳熟能详的《万水千山总是情》的节奏。

在观众的一片Encore呼声下，汪阿姐以中性穿西装的造型再现台上，先为每位观众送上一曲《热咖啡》，之后伴随着《美丽娱乐世界》，大萤幕展现汪阿姐过往拍摄剧集的多幅造型照，最后以一首《Make my day》为首晚演唱会画上圆美句号。贴心的汪阿姐于完场后，也特意和红馆外等候她的歌迷打招呼才回家休息。