曹敏宝相隔八年再战乐坛出新歌 自嘲中年：我都要贴近潮流
撰文： 张祖铭
出版：更新：
曹敏宝近年参加《中年好声音》，再度重新得到乐迷的关注。她相隔八年推出全新作品《未结束的故事》剖白最赤裸的内心感受，并接受《香港01》访问表示：“好开心揾到徐浩大哥同我合作，亦都揾到曾乐彤帮我手去填词，佢哋都好好帮我构思我想表达啲咩。”她续指过去一年有收听吕爵安的歌曲勉励自己去前进，启发自己继续追求音乐梦想。她剖白心声：“就算遇到高低起跌，只有一个人唔可以放弃就系自己，鼓励大家要继续前进，将困难变成一个课题。”
曹敏宝自嘲中年要紧贴潮流
讲到这首歌曲的制作，她说：“其实好搞笑嘅，我都已经中年，我都要贴近潮流，所以喺徐浩大哥身上学到好多嘢，都会分析好多乐坛嘅趋势同埋唱歌嘅方法，希望可以融合而家嘅世代点样去新潮啲，好开心录音嘅过程都好顺利！”讲到儿子有否听过新歌，她表示：“有啊，佢好好笑，我同班底倾歌词嘅时候喺度录音，佢就不断喺后面唱我只歌。”被问到MV的拍摄制作过程，她说：“今次MV喺室外拍摄，原本好担心落雨唔知点算，𠮶日天气好好全个团队都要晒太阳，拍摄过程好轻松，因为团队都系以前旧公司嘅拍档，大家都认识咗好耐好有默契。”她透露拍摄过程风势十分强劲，更笑言：“啲头发都不断飞。”
曹敏宝预告下年会继续出歌
谈及是否希望角逐乐坛颁奖典礼奖项，她说：“首歌11月先出，就追唔切奖㗎啦！呢一首歌就冇谂咁多奖项嘅嘢，想用音乐作品去说话，希望自己八年后再出嘅新歌，大家就会留意，亦都会继续做音乐，下年年头就会再收下啲歌，我系歌手出道，最重要都系作品，希望将来都有机会参与乐坛嘅盛事。”曹敏宝现时所属乐极文化有限公司，有望继续投入音乐发展！