许靖韵巡演头站喊到尾站 歌迷推介 全体同事食烧鹅濑

今年四月，许靖韵（Angela）于内地举行巡回音乐会，首场的广州站，Angela已经爆喊，估不到日前的尾站东莞场，Angela又再爆喊，认真系“由头喊到尾”。

Angela表示今场十分感动，因为这次跟观众距离十分接近，“近到坐第一行嘅观众讲嘢都听到，好难得个舞台同观众、歌迷咁近距离，大家成个感觉系同佢哋好close，佢哋每一个样我都睇得好清楚。”亦因为这样，所以当全场大合唱时，Angela感动得泪如雨下，“第一个感动位系唱《别为我好》，因为今次我除低咗一边耳机，咁近距离，听到佢哋唱歌听得好清楚，《别为我好》同《谢谢对不起》佢哋一齐大合唱，同埋因为我冇谂过《情歌之后》都全场大合唱，𠮶个大声程度系大过《别为我好》，所以忍唔住喊咗出嚟。”Angela坦言没想过这场会喊，更因为这是今年的最后一场，所以特别穿上红色衫，希望以开心的心情作一个总结，她又感谢歌迷，“多谢茶茶们（歌迷名称）每一站为自己准备唔同嘅应援物同打卡点，仲会开show前喺场馆外设立应援物交换点，好sweet。”虽然完成尾站，但Angela已急不及待自爆明年的计划，“同茶茶们（歌迷名称）暂别音乐会舞台，2025年会再开，希望快啲可以公布日子。嚟紧都有好多唔同嘅舞台演出机会，到时会同大家再见。”

除此之外，原来开show之，大量歌迷留言给Angela表示要一尝东莞烧鹅濑，所以开show前，Angela特别揾同事“扑”了一碗，“因为完show就即刻走，所以开show前食。我哋系全体！系全体同事都一齐食烧鹅濑，大家都觉得超好食！我都系第一次食东莞烧鹅濑，真系觉得好好食！系好唔同嘅，𠮶个粉系好唔同。”十分搞笑。