专访｜ANSONBEAN曾于英国修读戏剧追梦　自揭与谢君豪学做戏点滴

撰文： 张祖铭
出版：更新：

跳唱歌手 ANSONBEAN（陈毅燊）最近推出首张个人专辑《ONE DANCE》，唱片封面以熊熊烈火为背景，寓意着蜕变成长，他更半裸上阵大晒爆肌身型。 ANSONBEAN接受《香港01》 专访新专辑封面大骚肌肉、工作发展去向、回应外界指性格内向，以及大谈与谢君豪学演戏，他透露谢君豪的忠告：“做律师嘅角色（戏剧课角色）系要重视自己嘅地位嘅一个人，要控制肢体语言去表现系一个淡定嘅人，好有权力嘅，佢同我讲每个人重视嘅嘢都唔同。”

ANSONBEAN接受《香港01》 专访宣传新专辑。(胡凯欣摄)）

新专辑封面大骚肌肉

提到专辑封面大骚肌肉，他说：“个封面我觉得始终都系我第一只碟，就新歌嘅歌词话我更要下决心去证明自己，我觉得身材系每一个人个身体都系你嘅工具同埋武器，好好去照顾自己嘅身体，用呢个决心去证明到自己有节制，系一个决心嘅表现。”他真情剖白健身的历程，并透露小时候其实身材比较瘦削。他说：“我细个唔钟意游水嘅，因为身材比较瘦，我系好怕羞嘅，譬如啲人搞船P去沙滩，我就成日着住个背心遮住自己，去到英国嘅时候我就去健身房隔离跳舞，同房嘅室友就系运动员，就令到我激发意志。”

ANSONBEAN（陈毅燊）最近推出首张个人专辑《ONE DANCE》。（资料照片）

回应外界指性格内向

被问到入行多年，现阶段是否还是比较内向，害怕与别人接触，他坦言：“其实好多人嘅时候会系咁，尤其是系表演之前，好似做访问回答问题就会比较轻松少少，冇需要一定要做到咁好嘅一样嘢，就会放松啲，有朋友生日去dinner party都系会好啲。”他强调没有办法分心做任何事情，需要极度专注。他直言与人相处是一门学问。讲到通常会delete手机程式一事，他表示：“系呀！上年我直头系将IG个Apps delete咗，我都帐户仲喺度，我就可以唔使烦，唔需要受到影响。”他指现阶段的心态有所改变，并表示：“我唔一定要Po工作嘅嘢为主，可以拍返啲短片，练习一啲打斗嘅嘢，观众又可以多啲嘢睇，又唔需要成日潜水消失。”

ANSONBEAN直言与人相处是一门学问，强调没有办法分心做任何事情。(胡凯欣摄)）

曾于英国修读戏剧追梦

讲到在入行前在2018年于英国修读戏剧课程两年，他说：“𠮶阵时喺学校我睇咗好多有关于演戏嘅书同埋课本，实习嘅经验比较少，我谂本身谂住喺英国𠮶边读Drama嘅大学，我就觉得要放弃，唔系我拣嘅方向。”提到最近与影帝谢君豪学做戏，他表示：“谢君豪嘅一个演戏课程，都几多嘢可以学到，我上台就学习点样控制我嘅肢体语言，我都知道自己比较郁多啲，平时惯咗讲嘢，行路都比较郁嚟郁去，有好多呢啲仔细嘅位我系要戒，要继续去谂点样去改善呢方面嘅表现，投入角色演绎的更加似。”他透露在为期10堂的课程中主力演绎律师一角，并透露谢君豪的忠告：“做律师嘅角色系要重视自己嘅地位嘅一个人，要控制肢体语言去表现系一个淡定嘅人，好有权力嘅，佢同我讲每个人重视嘅嘢都唔同。”

ANSONBEAN自揭与谢君豪学做戏在为期10堂的课程中主力演绎律师一角。(胡凯欣摄)）
男学员与豪哥合照：（左起）陈毅燊、梅维瀚、邓启轩、谢君豪、管鋈、邓沛楠、助教陈锦龙。（大会提供）

工作发展去向

提到工作发展的去向，他透露较早前已经拍摄了一些动作电影，正在排期上映档次，另外音乐方面就进入新曲录音阶段，并表示：“同时间我会努力去进修，继续去练好自己嘅功力。我三年前先觉得自己要去做动作嘅演员，我相信有好多人更加早比我开始。”他继续指曾经与公司有讨论过开音乐会，不过还在构思当中，更认为现在的状态并不是最佳的时机。至于有关角逐乐坛歌曲奖项，他直言：“梗系会想有啦！不过就平常，主要希望新专辑会多啲人听，投放得多啲感情落去，同埋对我嚟讲意义都重大，呢一首新歌《ONE DANCE》有奖项就非常之满意。”

Hair : Milk Chan @ Xenter Salon

Make up : Zoe Fan

Wardrobe : RICKYY WONG STUDIO

场地提供：FWD HOUSE 1881

ANSONBEAN透露较早前已经拍摄了一些动作电影，正在排期上映档次。(胡凯欣摄)）