专访｜鼓鼓指广东话差唔觉意讲错粗口　望与郭富城合作：一齐跳舞

由组合“MP魔幻力量”的成员吕思纬(鼓鼓)与萧秉治组成限定团体“GX”即将于本月（22日）在香港麦花臣场馆举行GX 《大玩一票ALL YOU CAN PLAY》演唱会。鼓鼓最近来港接受《香港01》访问宣传：“我已经有七年冇嚟过香港搞演唱会，今次系同GX嚟搞，上次团体MP身份嚟已经系10年前。”他透露特别期待今次能够在香港开演唱会，并表示：“有好多新创作同埋大家熟悉MP时期嘅歌，例如有：《我还是爱著你》、《认爱》等，所以喺演唱会里面可以揾到好多回忆。”

鼓鼓自爆广东话差变咗讲“粗口”

被问到演唱会环节，他表示：“其实主要围绕高雄演唱会嘅流程为主，会呈现当中嘅精华桥段，同时会准备前几站演唱会没有嘅歌单。”至于演唱广东歌，他坦言：“一定会，歌名就先唔讲，系一个男歌手。”至于香港歌迷与台湾歌迷的差别，他说：“因为我哋讲广东话唔系几好，香港歌迷同我一路讲广东话我都唔系几识听，但系觉得个语气听起嚟就好可爱。”他笑言：“我净系识讲洗手间、边一度，同埋介绍自己，好简单嘅广东话！”他指以前经常说错广东话，唔觉意讲错“粗口”，并表示：“尽力就好，我都唔知其实我讲紧啲咩。”

透露有望与郭富城合作齐跳舞

谈及过去在香港举行演唱会难忘的地方，他透露：“10年前MP喺香港做演唱会嘅时候，𠮶个地方系一个溜冰场，所以觉得𠮶阵时好冻，彩排到到演唱会正式开始都觉得好冻，都系一个好难忘嘅经验。”被问到最想合作的香港歌手，他直言：“系郭富城，希望可以同佢一齐跳舞完成呢个愿望。”他继续指这次演唱会的流程非常丰富，大概会唱两小时。至于嘉宾方面，他则说：“如果有嘉宾的话，要重新安排歌单结构，所以唔会有太多时间去排。”

忆述变solo歌手点滴

谈及过往曾经担任过乐团成员，也有试过转变成为跳唱歌手，甚至个人发展，问到最辛酸的阶段，他说：“我都系觉得solo比较辛酸，因为以前喺团体系属于DJ身份，平时比较做嘅工作系幕后为主，主要负责制作，同埋乐器嘅运用，仲有编曲同写歌，唔太识得去讲嘢，但系solo就系所有嘢都要呈现，喺观众眼前，所以要学习讲嘢，要学习同传媒去倾偈聊天，要好有逻辑咁样去回答。”另外他指自己从来想过要做歌手，并续指：“我以前系鼓手，所以一直用咗好多时间去练习唱歌，到而家为止都喺度学习唱歌。”他强调希望在每一张专辑让歌迷听到声音运用的不同转变。他分享当时是出第一张唱片才学习去跳舞，需要培养舞蹈的感觉。

有计划带未婚妻去香港主题乐园玩

提到今年在演唱会环节当中与相恋11年的女朋友大元（林艾璇）求婚，他表示：“我女朋友几年前同我讲过想喺演唱会𠮶度求婚，呢一个都系佢细个嘅梦想。其实呢一件事系好难实现，其实有好少歌手会喺演唱会当面求婚，所以需要好多个元素去跨越好多唔同嘅问题，其实自己都谂咗好耐几时可以进行呢一件事，咁啱𠮶阵高雄嘅演唱会又加场所以觉得呢个时候可以进行求婚。”

他强调生孩子计划就顺其自然，并透：“其实咁多年来我都唔系好钟意讲感情，就算同身边嘅朋友都唔会特别讨论，比较低调，我都系觉得两个人嘅事，但系我女朋友其实系一个好钟意分享嘅人，所以今次嘅求婚佢特别开心，终于可以畀佢高调一次。”他直言希望今次香港演唱会未婚妻能够来欣赏，也希望带她去迪士尼玩。

场地提供：天顺上创文化