专访｜陈健安个性慢热难揾对象　认顾虑多：唔可以随便识人

撰文： 张祖铭
出版：更新：

唱作歌手陈健安（安仔）最近推出新歌《我很不爱你》，安仔日前接受《香港01》 专访大谈新歌创作概念、MV创作构思、以及剖白爱情世界。提及爱情，安仔坦言自从加入娱乐圈后比较难认识对象：“系多咗顾虑，因为唔可以随便认识人。我最近去咗台湾旅行都系钟意比较去远啲嘅地方，自己浸吓温泉，钟意宁静。”

陈健安（安仔）最近接受《香港01》 专访宣传新歌《我很不爱你》。（陈顺祯摄）

大谈新歌创作概念

安仔透露《我很不爱你》原本想在上一张专辑推出，但直至今年4月才收到制作人完成歌曲制作部份。讲到收到Demo的感觉，他说：“畀我嘅感觉系好想得到啲嘢，但系又得唔到，觉得唱得有啲无奈，旋律又有好多重复性嘅又出现。”他续指新歌的题材不是自己构思，他忆述题材的诞生是与歌曲制作班底一起吃饭时讨论的，并表示：“新歌呈现拒绝同告白，我好爱你，但我口同自己讲我很不爱你嘅故事。”

陈健安（安仔）透露《我很不爱你》原本想在上一张专辑推出。（资料照片）

自爆录音时感动饮泣

被问到新歌MV构思，他透露自己有表达个人的意见和想法，并表示：“个情节系讲紧拒绝表白，其实每个人都有自己嘅故事同埋原因，对方可能系好朋友，但系又怕冇咗段关系，其实MV有一个桥段唔知大家有冇留意到，MV嘅男主角更加难表白，我希望佢可以多一个层次，所以我加咗个女角色，第二个女角色其实系有另一半，而另一半系女仔，我系想加深表白嘅困难，其实畀对方知道佢个伴侣系女仔，其实可能系双性恋，令到男主角嘅虐心程度可以话系拒绝表白嘅难度再增加。”被问到新歌时是否感动留下男儿泪，他立刻哼起当中的一段歌词“我已经很很不爱狠狠不爱，但愿别追问。”他继续指就是唱这几句歌词的时候流泪，他说：“我而家练成咗一个技能，就系就算我喊同埋哽咽都要唱到歌，我唔想开演唱会人哋入嚟睇我喊。”

陈健安（安仔）新歌《我很不爱你》MV男女主角。（资料照片）

低潮阶段冇谂过转行

提到曾经夺得叱咤唱作人金奖爆喊，他说：“睇返觉得好失礼，但系又好有安全感先会咁样，因为𠮶一次系百感交集，同埋系嚟得太突然，冇谂过从组合单飞突然之间就空降攞咗个唱作人金奖。”他忆述单飞阶段曾经失声，而导致情绪低落。提到单飞失落时期，他分享：“𠮶阵时比较得闲，我因为甩骹受伤，跟住我就去咗个基筋膜放松班，就觉得好有效，咁就顺便考埋𠮶班，同埋考埋个教练牌去教人。”他笑言自己曾经教班次数多达40堂。至于低潮阶段是否有考虑转行，他说：“我冇谂过转行，𠮶阵时空闲啲我就去教班，冇谂过要做瑜伽老师。”

陈健安（安仔）夺得叱咤唱作人金奖爆喊。（影片截图）
陈健安（安仔）低潮阶段冇谂过转行。（陈顺祯摄）

望红馆开三面台个唱

提到现阶段音乐事业发展的目标，他直言还有很多目标想去尝试：“每一首歌都想有新尝试，有三首歌曲派台，我都系先编曲，然后先再写旋律，呢个方法已经同以前嘅作品好唔同。”他透露即将在年尾推出新专辑，而现阶段也有上音乐课，有助加强唱歌技巧，这方面对自己来说很有满足感。他指最希望能够强化电结他钢琴的技巧。至于会否希望计划在红馆开骚，他大卖关子：“其实我觉得出年都可以。”至于红馆骚的取向形式，会采取三面台或四面台，他表示：“我最钟意三面台，无论嘅音响设计，同埋我好钟意有LED，我钟意啲Band喺晒度，同埋咁样呈现我嘅嘢会容易啲，四面台就难呈现音响部份。”

陈健安（安仔）透露即将在年尾推出新专辑，而现阶段也有上音乐课。（陈顺祯摄）

踢波断咗十字韧带

讲到目前脚部位置受伤的情况，他说：“上年11月踢波断咗十字韧带，差唔多9至10个月先会恢复，一直冇做手术，而家就睇紧物理治疗，睇吓几时可以踢波。”他指现阶段已经受伤长达261天。被问到当初开始健身的原因，他笑言：“以前打波嘅队友有一日拎起我件衫，笑我冇身材，所以2016年就开始健身，谂住威返畀佢睇，跟住身材就锻炼到好fit。”他领会到后生时储存肌肉量是很重要的一课，对于幕前的形象会有点帮助，并续指：“都要keep住唔好畀自己走样。”

陈健安（安仔）指脚部受伤现阶段已经长达261天。（陈顺祯摄）

剖白爱情世界

被问新歌到是否现实爱情世界的写照，他立刻否认，并笑言：“我唔系有个故事畀佢（填词人），系佢无意之间写咗个故事，我录音嘅时候有勾起返唔同嘅情绪，演变成好重要嘅人但系又冇得同佢一齐，同埋份词写得好虐心，我就用咗第一身去代入，但系又安慰自己，或者讲一啲反话去释放情绪。”提及爱情，他坦言入行比较难认识对象，并表示：“系多咗顾虑，因为唔可以随便认识人。我最近去咗台湾旅行都系钟意比较去远啲嘅地方，自己浸吓温泉，钟意宁静。”他指过去所谈的恋爱比较理性，即使感情结束就让它终结，并没有感受特别伤感。

陈健安（安仔）否认新歌到是现实爱情世界的写照。（陈顺祯摄）

冇兴趣唔玩交友Apps

讲到现阶段潮流大多数人靠交友Apps认识伴侣，他指自己从来没有使用过，不过对于交友Apps有不同的看法，他说：“而家听到有好多朋友互相认识都系透过交友Apps去食饭同见面，其实啲交友Apps系有帮助嘅，睇吓用嘅目的系咩，可能现时有啲人对交友Apps有啲偏见，大多数认为可能是发生性关系之类。”被问到入行后是否难以认识新朋友，他坦言：“我通常啲朋友都系踢波友同埋大学同学，现阶段越嚟越少认识新朋友，通常都系揾返啲旧同学gathering去维持关系。”他透露自己个性比较慢热，并不太容易交心。

陈健安（安仔）透露自己个性比较慢热，并不太容易交心。（陈顺祯摄）

Makeup: Maggie Lee

Hair: Zanki Ng @ BHC

Wardrobe: MR PORTER

场地：ASK Cafe（观塘店）