专访｜XiX庄殷玥Vici退团　Caitlin：Eric sir叫佢离开呢一个女团

撰文： 张祖铭
出版：更新：

由著名音乐人郭伟亮(Eric Kwok )担当经理人、叶佩雯（Grace )担当形象总监的新生代香港女团“XiX”继去年推出组合出道作品《SiS》后，最近推出最新单曲《Pretty Good》，她们四位成员梁善知（Crystal）、杨秉颐（Caitlin）、缪昀希（Charlotte）及邓晓殷（Kiele）最近接受《香港01》 专访分享新歌制作点滴、与Eric Kwok私底下相处之道，现阶段的择偶条件，以及正式宣布成员17岁庄殷玥(Vici)已经正式离队，Caitlin则代表回应：“其实我哋四个都唔系好知道详细系发生咗啲咩事，不过就知道Eric sir同埋Vici嘅屋企人可能意见系有啲唔同，可能喺Eric sir某啲嘅手法同埋谂法揾唔到一个共识。”

女团“XiX”接受《香港01》 专访分享新歌《Pretty Good》制作点滴。（陈顺祯摄）

XiX自爆前一日先收到歌词劲紧张

Caitlin分享新歌《Pretty Good》由Eric Kwok所创作的，并表示：“首歌曲讲年轻人最想做嘅嘢，钟意化妆，钟意食嘢，唔想做功课，想带嘅正面讯息系做好自己，爱自己做自己擅长嘅嘢。”Charlotte继续指新歌非常难唱，并透露歌曲的歌词相当密集。讲到众成员前一日才收到歌词，Crystal直言非常之惊，她说：“因为我哋前一日先收到啲歌词，要将啲歌词摆落Demo，就超级紧张。”Kiele自认自己的中文能力不太好，所以更需要花时间写拼音有助说出更标准的发音。

Caitlin分享新歌《Pretty Good》由Eric Kwok所创作的。（陈顺祯摄）
Kiele自认自己的中文能力不太好，所以更需要花时间写拼音有助说出更标准的发音。（陈顺祯摄）

Charlotte荣幸有份编排新歌舞蹈

提到新歌MV需要穿上滑雪装束，Caitlin说：“Eric sir同埋Grace 姐姐都好钟意滑板，本来我哋系要去日本拍，不过最后都去唔成，但系觉得啲衫都用得着，所以再着返滑雪衫去呈现。”Charlotte兴奋表示新歌MV能够参与编排舞蹈的职责，她表示：“Eric sir畀个机会我去做就系我嘅本分，不过有少少压力，毕竟系女团舞，要谂吓点样吸引人哋或者，或者令歌迷有更深刻的印象。”Caitlin直言舞步很难去学，但最庆幸的一点是因为是Charlotte协助排舞部份，并笑言：“现在最大嘅问题系唔够气。”她继续指要透过跑步训练有助改善。Crysta坦言着滑雪装束跳舞有点吃力，并忆述：“拍摄MV个厂都好冻，所以都几有feel！”

Charlotte兴奋表示新歌MV能够参与编排舞蹈的职责。（陈顺祯摄）
Crysta坦言着滑雪装束跳舞有点吃力。（陈顺祯摄）

被问到成员当中那一位最钟意买衫扮靓，Kiele表示自己的父亲相当气愤，最大原因是她过去购买大量的衣服。她说：“用钱多都唔系净系买衫，系去食嘢，去唔同地方玩。”讲到最贵的衣服价码，她表示：“oh my god！我都唔知，对我嚟讲系好贵，如果有大减价我会好开心。”至于讲到化妆这一门学问，Crystal表示：“真系好难，用咗好多时间去学。”她大方分享要盖暗疮部份，就需要点缀绿色（遮瑕膏）来遮掩，更坦言过去误会“肉色”可以直接有效遮暗疮。讲到那位成员容貌焦虑最严重，她们异口同声表示：“我哋全部人都系，黑眼圈好难遮到。”

讲到那位成员容貌焦虑最严重，她们异口同声表示：“我哋全部人都系，黑眼圈好难遮到。”（陈顺祯摄）

Kiele自爆有惊恐症

提到较早前邓晓殷（Kiele）曾经透露过自己有惊恐症，她坦言：“呢个系我自己担心嘅问题，我嘅惊恐症问题喺开始比赛时候，或者喺12岁之前都开始唔好，比赛嘅时候我摆好多压力喺自己身上。”她继续指学会如何去纾压自己，更认为很多艺人曾经试过这个情况出现。被问到会否自己独自匿埋哭泣，她表示：“我唔钟意将呢啲嘢同人分享，其实队员都唔知嘅，唔想觉得每一个人都要照顾你，都要小心同你一齐，我唔想大家谂呢啲，有时候我都会喊，完全都系自己嘅问题。”

讲到过去有否求医，她直言：“我都有试过睇，但系现在冇时间，因为要做艺人要唱歌，要读大学，做好自己。”她续指现阶段已经学会成熟，并且能够自我调节情绪。至于会否影响台上的表现，甚至会手震，她直言：“都会有。你知唔知其实喺《声梦JUNIOR》表演之前，每一次表演之前我都会有惊恐症发作，其实冇人知，我畀咗好大压力自己，其实都瞓唔到觉，其实我都想多啲人知道呢个问题，唔想病患者继续困在这一个负面情绪当中，如果你觉得好大压力一定要同人哋讲，我都有同爹哋妈咪讲，佢哋现在都会知。”她指自己更学懂谦卑。

Kiele指自己有惊恐症。（陈顺祯摄）
Kiele继续指学会如何去纾压自己，更认为很多艺人曾经试过这个情况出现。（陈顺祯摄）

XiX事业学业两兼顾

“XiX”四位成员梁善知（Crystal）、杨秉颐（Caitlin）、缪昀希（Charlotte）及邓晓殷（Kiele）现阶段都是学生身份，年龄分别是15至17岁，有关于升学问题，Kiele分享即将会去美国读大学，并表示：“我屋企人都喺美国，所以想近屋企多啲。我拣咗音乐系我主科。”Crystal则透露即将升中六考DSE，她说：“我哋学校系有个黑板倒数，净系得返二百几日。”她直言压力非常之大，并透露：“反而入咗呢行个成绩系好咗，我嘅生活净系得返唱歌跳舞同埋读书，之前就多啲时间同friend去玩出街，现在就专注咗好多。”

Kiele分享即将会去美国读大学。（陈顺祯摄）
Crystal则透露即将升中六考DSE。（陈顺祯摄）

Caitlin指自己准备升中五，最近就转读国际学校，所以唔使考DSE，就变咗考美国际嘅考试。她笑言并不担心认识新同学的问题，并表示：“我平时识朋友唔会特登讲我系香港女团其中一个成员，不过佢哋发现之后会好好奇，同埋主动问我几时表演，想知道Eric sir平时点？我觉得自己唔系太多顾虑。”Charlotte说现在升中四，并且已经选好修读理科，并直言：“对唔住中文老师，我真系好唔钟意中文，文言文同埋白话文都好难。”

Caitlin指自己准备升中五，最近就转读国际学校。（陈顺祯摄）
Charlotte说现在升中四，并且已经选好修读理科。（陈顺祯摄）

XiX揭Eric Kwok叱咤颁奖典礼揸车先离场

Caitlin大赞Eric sir懂得很多知识，更形容对方学识渊博，她说：“食饭或者喺车上边都教我哋好多小知识，教我哋蜜蜂点样飞，关于动物同埋外星人，想像力都会丰富好多。”被问到会否向Eric讨论感情问题，她们异口同声表示会，Kiele则说：“Eric sir其实好多嘢讲，系我哋嘅姊妹，我有阵时好嬲一个人会系咁同佢讲。”她们指公司并没有禁爱限制。至于现阶段有很多女团竞争，Caitlin说：“我哋年纪细，我哋现在趁着有15岁嘅成员喺度，先Sale吓我哋嘅青春活泼可爱，我唔会话系一种优势，不过系特别嘅一样嘢。”

提到去年勇夺“叱咤乐坛生力军组合银奖”，Caitlin说：“我本身准备谂住坐喺度三个钟唔郁。”Crystal则说：“我揸住支叱咤旗不断系咁喺度挥。”Caitlin继续说：“我哋以为坐喺度三个钟睇人哋表演，听到突然之间主持人话友情写日记，我哋拎完奖一落台就喊咗一个钟，Eric sir都走咗，佢以为我哋唔会攞奖，佢揸咗车本身就走咗。我哋打电话俾佢话你快啲过嚟，我哋赢咗银奖。”她们直言希望能够继续在乐坛颁奖典礼夺得更多的殊荣，并表示：“攞奖会好开心，但另外一定要先享受舞台呢样嘢好紧要。”

XiX上年在观塘举行新歌首播会，Eric Kwok和叶佩雯（Grace )现身撑场。（张祖铭摄）
XiX去年勇夺“叱咤乐坛生力军组合银奖”。（影片截图）

庄殷玥(Vici)已经正式离队

对于较早前有报道指成员17岁庄殷玥(Vici)已经正式离队，Caitlin则代表回应：“Eric sir系前两三个礼拜请咗Vici退团，叫佢离开呢一个女团，其实我哋四个都唔系好知道详细系发生咗啲咩事，不过就知道Eric sir同埋Vici嘅屋企人可能意见系有啲唔同，可能喺Eric sir某啲嘅手法同埋谂法揾唔到一个共识，所以三个星期之前Eric sir就send咗一个WhatsApp message宣布呢件事。”

她继续指我们每一个成员都有发讯息Vici，并表示：“佢都有回复，希望佢之后都继续加油，我哋都觉得佢好有潜质，同埋记得佢为我哋女团带嚟嘅欢乐，同埋好多回忆，祝佢好运。”讲到新歌原本的舞步编排是五位成员，是否会因此而改动，Crystal说：“现在我们都有排多咗舞步，练好气，同埋都会有一个四个人嘅版本，但系都会好快习惯，只不过系位置不相同。”

Credit:

Image Director @graceip

Stylist @yadrin

Wardrobe @aapestore

Makeup @annieg_makeup

@jjenc_0725 @mua.yoyo

Hair @ilcolpogroup @torres_lmo @perry_yung

XiX证实庄殷玥Vici退团。（IG图片）
+9