郑秀文演唱会︱隔5年与Jer同台拖手合唱　获赠手制迷你盲盒扭蛋机

天后郑秀文（Sammi）昨晚（24/7）在红馆举行第10场“You & Mi 郑秀文世界巡回演唱会2023”（Rescheduled ），好友车婉婉与囝囝、Cookies成员吴雨霏Kary和区文诗Angela、岑宁儿YoYo、陈咏谦、欧阳靖MC Jin、天堂鸟的Gordon等捧场。表演嘉宾MIRROR的柳应廷Jer，他自制迷你盲盒扭蛋机给Sammi，透露原本想整巨型薯片包，却被COLLAR截糊，非常搞笑。

Sammi穿上Ralph Lauren牛仔晚装配衬闪爆Swarovski 珠宝，风骚在台上自转，问观众：“今日我着咗牛仔装，正唔正呀？转个360度畀你睇吓，系咪好婀娜多姿呢？”观众大叫好索。“今晚呢位嘉宾，新与唔新之间，都算新，出道咗几年，佢嘅唱功毋庸置疑，非常之好。几位嘉宾不约而同都要同我合唱呢首歌，唔知点解呢？”然后音乐响起《不要惊动爱情》，全场大合唱，Jer升上舞台，他们拥抱后手拖合唱，跟四面台观众打招呼。

2019年MIRROR初出道时曾全队担任Sammi红馆“FOLLOW Mi演唱会”表演嘉宾，与Sammi演唱《默契》。昨晚Sammi与Jer合唱后对他说：“哗，数数手指，上次同台已经系2019年，𠮶次算系你哋第一次上红馆。”Jer说：“系呀，𠮶次同今次感觉好唔同，上次12个人，成班傻更更，有班兄弟喺身边陪住，今次得自己一个人特别紧张。今日彩排，同老师练咗好耐，和音同埋点样分段唱好啲。”Sammi表示他好紧张，叫观众给他掌声鼓励，她说：“谂返自己以前去一个咁大舞台，都会好惊和脚震，但我觉得你今晚表现相当之好。”

Jer准备了礼物给Sammi：“配合返你早前出新歌《盲盒》，特登整咗个‘愉快盲盒扭蛋机’，里面有啲关于我嘅小礼物，人型公仔啦，扭蛋里面仲有啲神秘嘢，例如字条、祝福语、零食、糖果。（哗，有零食我就够）因为我知你钟意食零食。（劲钟意、超钟意）其实我原本想整薯片包，畀COLLAR整咗呀！”他咬牙切齿，非常搞笑。又说：“我都好钟意食零食，所以想将呢个小心意送畀你。仲有，时间关系，呢度已经有一只扭蛋。”Sammi见他从裤袋拿出小扭蛋，笑说：“好似求婚咁，要送我首饰？嫁畀我啦！”Jer当然不敢，他掏出一个小公仔，Sammi说：“哗，我老花㖞，咁细。哦，公仔嚟嘅！”是Baby MIRROR的Jer公仔，Sammi笑说：“虾我老花，好Cute，大过粒鼻屎！”全场爆笑。Jer拿出纸条说：“之前你喺一个po话过‘食完有运动，无有怕，食饱先至系人生’。”Sammi将迷你Jer放入裙袋，然后落台。Jer台上独唱由冯允谦JayFung作曲的新歌《约齐灵魂在坟墓前开生日派对》。

Encore时，Sammi穿着Tomas Chan的小背心牛仔裤配Tiffany & Co.珠宝型格登场唱新歌《盲盒》，期间不断收礼物打乱了拍子，她立即要求重唱，自己encore 自己。昨晚Fans送的礼物各色各样，除了每晚都有的花束、薯片外，还有圣诞造型的咕𠱸，又有写了“金像奖影后郑秀文”的肩带，Sammi立即戴上身，风骚转圈让观众欣赏。完骚后，Sammi孭住“薯片斜孭袋”到红馆外为Fans签名和收礼物，几百Fans企满场外和火车站外，欢呼呐喊、吹哨子和唱歌，非常热情。